معادله من صغرى وانا نفسى احلها و الاقيلها نهايه ،رغم اكتمال اطرافها لكنها ناقصه حاجه
الكام عربى =بكام اجنبى
دورت كتير على اللى ناقص لقيت ان اللى ناقص الكرامه
و ده فضل ناقص الى وقتنا هذا ،عشان كده المعادله عمرها ماهتكمل
كان نفسى تكمل بأستشهاد دكتوره مروه رحمه الله عليها
لكن للأسف من بيده الأمر عزف عن الكلام
و تركنى بلا اجابه و ترك المعادله بلا حل
و بقت الحكايه اصعب من امتحان الفيزياء بتاع ثانويه عامه
استغربت وانا بشوف البنى ادم العربى بيتبهدل فى الغرب
و بلده مديره له ظهرها و عامله فيها عبده العبيط
هى كرامته مش من كرامتك
هى مش لما ابنك يتهان تبقى دى اهانه ليكى
هو مش المثل بيقول اللى ليه ضهر مينضربش على بطنه
ده احنا انضربنا لما اتهرينا لحد لما مابقاش باينلنا ضهر من بطن
و لو كلب اجنبى مش هاقول بنى ادم اتهان كانت بلده
اقامت الدنيا ولم تقعدها
بس يا خساره
احنا بنى ادمين
و حقوق الانسان مش سامعين صوتها الجهورى
ياترى لو كنا تبادلنا الادوار كانت التزمت صمتها المشين ده برضه ؟؟
و اعتقد انه قد حان الوقت ان تغير اسمها من حقوق الانسان
الى حقوق الانسان الغربى
معلش بس عشان نبقى على نور
و الغلابه اللى زينا ميفتكروش انها ممكن تتهور و تدافع عنهم
كان نفسى اسمع حتى التنديد والشجب و الاعتراض كالعاده
و لكن حتى دول كانوا خساره فينا
اللهم ارحمها و اسكنها فسيح جناتك مع الشهداء و الابرار
و صبر اهلها و اخلفهم خيرا فى مصيبتهم
انما محدش قاللى بقى......
هو الكام بكام؟؟؟؟؟؟؟؟؟؟؟؟؟
اه يا بسنت زودتى حسرتى بكلامك
ردحذفانا محسورة عليها والله وحسرتى اكتر على ابنها الجميل ده ربنا يصبر زوجها ويعينه على تربية ابنه وربنا يلهمهم جميعا الصبر
اما مروة فلها الجنة ونعيمها ان شاء الله
اما احنا بقى فلنا الله
بصى خدى اللينك ده
برضه عرضت الموضوع بطريقة متميزة زى تميزك برضه
http://mona-myownroom.blogspot.com/2009/07/blog-post_05.html
الكام بكام سؤال صعب
بصراحة السؤال في الاول كان سهل " هو الكام بكام " بدون تحديد كام ايه ..لكن لما اصبح السؤال " هو الكام عربي بكام اجنبي " اظنن اننا مش محتاجين واحد يعد وانما محتاجين واحدة تعدد..
ردحذفيعني بالمصري محتاجين ( معددة) تلطم وتصوت وتشد في شعرها المنكوش وتشق هدومها السودا وتدعي في ساعة مغربية منهم لله اللي كانوا السبب .
تحياتي لك
لو مروه دى كانت اسرائيليه كان الهلوكوست طلع و الدنيا اتقلب و معاداه الساميه اشتغلت
ردحذفما تتعبيش نفسك بأسئله صعبه
مالهاش حل
الكام بكااااااااام حلو اوى
ردحذفالكام ببلاش تخيلى والكام دا بيدل على الانسان العربى دلوقتى
والكام التانى بقى بيساوى حاجات كدا منقدرش نعدهاوالكام التانى دا اللى هوا الانسان الغربى
هنفضل نلف فى داشرة مقفولة وملناش مخرج منها غير اننا نتحد عشان نكسر الحاجز ونوصل لمكانتنا فعلا
انما بأسلوبنا دا وبكلامنا اللى بيموت حقوقنا ويضيعها كمان يبقى مش هنوصل لحاجة بنقول دى دلوقة صديقة ياسيدى تيت على اليقول دولة صديقة
حقوق الانسان كما يسمونها بقى دول ماهم الا شوية كلاب قاعدين فى مكاتب بيستنوا الأمر السياسى البحت وليس الامر الحقوقى وفى الاخر كله بييجى فوق دماغنا الظاهر ان المعادلة هطول وهنفضل نقول الكام بكام لغاية اما كام منه يختفى خالص
للاسف المعادله عمرها ما هتساوى شئ
ردحذفربما مستقبلا
يمكن دى احلام بردوا
تعرفى لما واحد اجنبى بيغرق ولا بيصرخ فى البحر فى اى منتجع او فندق ايه اللى بيحصل
مصر بتتقلب وبيخلقوا اسعاف وفرق انقاذ
لما واحد زيه مصرى بقى وفى بيته وبلده بيحصله نفس الشئ
ولا حد بيسأل فيه الا اذا كان ابن حد مهم او مسئول
يبقى بتسألى هيحافظوا على كرامتنا امتى بره مصر
فاقد الشئ لا يعطيه
والمصرى مش ارضهخ لا للاسف حكومته هى اللى رخصته
واسألى عن العمال اللى ماتوا فى الاردن
ولا العمال والدكاتره فى السعوديه
الامثله كتيره
وفى الامام اللى اتحرق مش طعنوه علشان مسلم
الغرب بيعاملنا زى ما بنعامل بعض باختصار
ربنا يرحم مروى ويتولى ابنها ان شاء الله
ولا حول ولا قوه الا بالله
مامه مازن
ردحذفجميل اللينك اللى بعتيه،كتابتها رائعه فعلا،ان شاء الله مروه فى الجنه وزوجها و ابنها و نحن لنا الله،وربنا يستر من اللى جاى
مسرور
ردحذفعندك حق والله محتاجين نغطى بلادنا ونصوت،اشكرك على مرورك الكريم
الجواز و سنينه
ردحذفدى لو كانت من كوالالمبور كانوا سألوا عليهاوخدوا حقها، مع احترامى لدوله كوالالمبور الشقيقه
منوره يا قمر
مانوو
ردحذفو طبعا واضح مين الكام اللى هايختفى"احنا بلا فخر"،و لأول مره هايبقالنا سبق فى حاجه ههههه،يارب ان شاء الله حتى الواحد بعشره بس نبقى نساوى حاجه
يعنى دة ينفع ها يتحدن فين تانى دا خلاص الرجالة ها ينقرضوا
ردحذفالمهم مدونة زى الفل
ارجو التواصل
انا لدى مدونتين واحدة للقصة القصيرة والتاينة للمقالات
http://emadkhalaff.blogspot.com/
بسبوسه
ردحذفعندك حق والله اذا كان المواطن بيتهان فى بلده هايحترموه بره ازاى،انا كان عندى امل ان الوضع يكون زى الأم كده تضرب ولادها بس لو حد مد ايديه عليهم تقطعاله،بس طلعت مرات ابونا
بسنت أشكرك لمرورك على فكرة بسنت ده اسم أختى وربنا يستر والناس تفوق هنا وهناك يارب
ردحذفللأسف الشديد..سبب كبير من الخيبة دي أن البني ادم العربي أصلا مالوش سعر جوه بلده عشان يبقي له سعر وقيمة بره
ردحذفهذا ما جنته علينا أنظمة الاستبداد والرجعية والتخلف
ربنا يرحمك يا مروة ويستر من اللي جاي
تحياتي
صحيح يا بسنت..انتي من فريق العمل بتاع ميكانو؟
ردحذفالموضوع ده واجع قلبي قوي ومحزني قوي يمكن علشان انا مغتربة وفهمه احساس الغريب لما ينظلم يمكن لاني مسلمة زيها وعارفة معنى ان الست تدافع عن الصح كانه غلط يمكن علشان حسيت بان الدنيا اتقلب موازينها وبقت النظافة والعفة والشرف هم الي لازم ندافع عنهم ونحاول نثبت انهم صح ولينا حق فيهم والقذارة والاسفاف والعري هو الي بيعتبروه صح وهوالقاعدة العامة استغفر الله العظيم
ردحذفحنقول ايه بس لو كان لنا كرامة في بلادنا مكنش كل كلب ابن كلب نهش في لحمنا جوة وبره وعجبي
يا نساء العالم اتحدوا بجد عجبني مقدمة الي كتبتيها قوي ونفسي نتحد كنساء للعالم كله تعرفي انا مقتنعة مية بالمية ان الواحدة مننا للاسف متقدرش تعلن عن نجاحها لان المجتمع ضده مثلا لو كتبنا بنكتب باسماء مستعارة لان عار على اهالينا نقول افكارنا جهارا وللاسف لو نجحنا معظم الازواج حتقف لزوجاتهم بالمرصاد لو ناجحة بعملها حيسفه من قيمة عملها وحيطلب تهتم ببيتها اولى واكتر واكتر علشان كده النجاح لنا محرم علينا مع ان لو نجحنا حنبقى اسعد ولو بقينا اسعد حنقدر نسعد كل الي حوالينا وعجبي على ده زمن
ردحذفعماد خلاف
ردحذفمتقلقش ده اتحاد سلمى،مفيش منه خوف،نورتنى و اكيد طبعا هازور مدوناتك قريبا
منى
ردحذفاشكرك يا حبيبتى على زيارتك الجميله و تحياتى ليكى ولأختك،و امين يارب الناس تفوق شويه
michael
ردحذفنورتنى،انا بكتب مواضيع بس فى ميكانو بس مش من فريق العمل الأصلى،وعندك حق لما نبقى ناخد حقوقنا جوه نبقى ندور على اللى لينا بره
احلام جوليا
ردحذفمنورانى يا جميلهنمبسوطه اوى ان مدونتى المتواضعه غجبتك،عاوزه اقولك ان احنا اللى لازم نجبر اللى قدامنا انه يحترمنا و يسمع رأينا بكل صراحه و ليس من خلف ستار و اسم مستعار طالما بنطالب بحق شرعه الله لنا،لما نقف كلنا ايد واحده ضد الظلم و نقول لأ لكل من يغتصب حقوقنا و يحرمنا من النجاح،كل ده بجانب اننا نكون مهتمين ببيوتنا و ازواجنا،و بعد كده يبقى لن تبقى حجه امام اعداء النجاح يحاربونا بيها،اما عن مروه فكلنا حزانى و لكن نحتسبها عند الله شهيده دافعت عن حجابها و عفتها،و ان كنا ننتظر من بلاد الحريه ان تطبق الحريه للجميع
رحم الله مروة .. شهيدة الحجاب ..ضحية التعصب
ردحذفوسيف الحق بنحر كل خاين ومتخاذل .. سيسألون عنها عند مليك مقتدر
رحم الله الشهيدة .. و اعطى اهلها وزوجها وطفلها الصبر يا رب
كلامك موجع يا بسنت .. يا رب الناس تحس
همسه
ردحذفكلامى موجع عارفه بس ده حالنا للأسف،الله يرحمها و يصبرهم و يارب الناس تحس شويه و تخجل من نكستها
منورانى يا قمر
الله يرحمها يارب ومش عارفه اقولك ايه غير ان احنا مالناش اي قيمه للاسف
ردحذفحاسوباتيه
ردحذفالله يرحمها و يسكنها فسيح جناته،اه يابنتى بس بأيدينا اننا نعملنا كرامه،لو اخدنا موقف ووقفنا وقفه جدعه ولو لمره واحده
الله يرحمها التشدد في كل دولة في العالم زي ماعندهم أحنا برده عندنا !
ردحذفبس أنا معترض على موقف الخارجيه المصريه
هيثم الكاشف
ردحذفالتعسف و التطرف و التفريط يجلبوا ابشع المصائب فى اى دوله
الله يرحمها و يصبر اهلها
اشكرك على مرورك
بسنت صلاح الدين
ردحذفكلامك مؤثر جداً يانصيرة النساء .
وفعلاً للأسف دمنا رخيص جداً سواء في بلدنا او في الخارج .
حسبنا الله ونعم الوكيل
محمـد البنا
طريق النجاح
محمد البنا
ردحذفاشكرك على مرورك،و تأكيدك على واقع نخجل منه،اضم صوتى لصوتك وصولا الى السماء"حسبنا الله ونعم الوكيل"
تقبل تحياتى و تقديرى
فى ألمانيا بالذات فيه حالة عداء و تعصب شديدين جدا لكل ما هو ليس ألمان يعنى مش بس عدائهم و تعصبهم موجه للعرب و المسلمين ..
ردحذفالألمان مشهورين بده من زمان و يكفى أن العالم لازال لليوم يعانى من ويلات الحروب العالميه اللى أشتعلت على يد الألمان ..
أما بقى كام بكام فالحقيقه أن اليومين دول الكام ببلاش ..
بجد ببلاش ..
تقبلى تحياتى و تقديرى ..
استاذ عمرو
ردحذفعقبالنا كده لما نتعصب للعرب مش تعصب اعمى ولكن على الاقل نغار لكرامتنا،و ساعتها ان شاء الله حتى الكام يساوى عشره بس يبقى يساوى حاجه
دمت بخير و تألق
العربى ببلاش
ردحذفبس كدا
عمرو فاروق blue wave
ردحذفاشكرك على مرورك و رأيك المختصر لكن المفيد
تقبل تحياتى
السلام عليكم
ردحذفعزيزتي بسنت
فعلا كلامك صح الانسان المصري أو العربي عموما بيكون تقريبا ملوش تمن
أنا كنت عايشه في أحد البلاد العربيه كانو دايما بيبصو للمصريين على انهم ناس جايين ياخدو من ثرواتهم وبيشتغلو عندهم بس مش أكتر
لذلك تحسي ان المصري ملوش أي تمن ممكن بره يتقتل ويتسرق ولا حد يدور عليه ((ووالله لو هنا في مصر محدش هيدور برده ))
تقبلي مروري
ورأيي المتواضع في أول اطلاله لي بمدونتك
تحياتي
sweet angel
ردحذفاشكرك على مرورك الجميل و يارب متكونش اخر مره،عندك حق موضوع الاستهانه بينا ده ممتد من الدول الاوروبيه للأسف الى الدول العربيه التى نطلق عليها شقيقه ،وصولا الى بلدنا الحبيبه وان كان الوضع هنا ارحم يعنى نعتبره بالبلدى كده احسن الوحشين
نورتينى يا قمر و تقبلى تحياتى
احنا بنكلم عن التشدد ومعترضين ومبنصش لنفسنا عاملين ازاي؟!!!
ردحذفحرقنا كام كنيسة؟! واتحرقلنا كام مسجد؟!! كام خلاف تافه بين اتنين لمجرد ان ده مسلم وده مسيحي اشتعل واصبح جريمة لا يرضى عنها أحد كان سواء مسلم او مسيحي او حتى كافر!!
اخرها خلاف بين اتنين على ازازة حاجة ساقعة!!!!!
واشتعل الأمر إلى أن وصل لدرجة أن قوات الأمن ما زالت تحاصر القريتين دون جدوى!!!
طبعا موقفنا سلبي من اللي حصل بس احنا اعتدنا السكات خلاص معدتش بتفرق اوي على رأي المثل سينا زي سونيا!!!
للأسف سينا زي سونيا!!!
ميسره
ردحذففعلا كل بلد فيها تعصبها ومشاكلها، و لكن عارف لو كانت مسيحيه برضه كلنا كنا هانقف وقفه واحده لأننا هنا بنتكلم عن وطنيتنا و كرامه بلدنا قبل اى شىء ، حلو مثل سينا و سونيا
نورتنى
3ndk 7k mbash fe ar5s mnna rbna yr7mha wyr7m kramt kol 3rby
ردحذفطوبه ذهب وطوبه فضه
ردحذفعجبتنى اوى يرحم كرامه كل عربى ،فعلا عندك حق ان الاوان اننا ناخد العزا فى كرامتنا
تقبلى تحياتى
ضحكتيني يا بسنت مسيحية ايه اللي كنا هنقف عشانها واقفة واحدة؟!!!!
ردحذفكده يبقى هنبدأ نكذب على نفسنا ونصدق كذبتنا