الحكومه الايرانيه ماشيه على خطى
هيئه الامر بالمعروف و النهى عن المنكر
فأمرت كل محلات الملابس النسائيه ان المانيكانات لازمن و لابد
ترتدى الزى الشرعى الاسلامى و الملابس الواسعه
و ان الاوان انها تتوب بقى و تلبس الحجاب
عشان شعر المانيكان عوره و لايصح لها انها تتزين
للناس اللى جايه تشترى و تحترم مشاعر
قرينها المانيكان اللى واقف جمبها
و اللى لوقت طويل كان سايب مانيكانته ماشيه على حل شعرها
و يا حبذا لو فصلوا المانيكان الراجل فى فاترينه
و نصه الحلو فى فاترينه تانيه منعا للأختلاط
احسن يقع المحظور و يجبولنا مانيكانات صغنتوته
مش عارفه ليه احنا الشعب الوحيد اللى بييجى فى الهايفه و يتصدر
ايران رغم كل مافيها من مصايب و قمع للحريات
سابت كل ده و قررت دعوه المانيكانات للهدايه
انا عاوزه بس اسأل سؤال
ماذا استفاد الاسلام و المسلمين من تحجيب المانيكان؟؟؟
مشاكلنا اتحلت؟؟؟
تحسنت صورتنا امام الغرب و نزعنا عنا تهمه الارهاب ؟؟؟
بلاش كل ده
ايران ماذا كسبت و كسب شعبها؟؟
اللى لحد وقت قريب عوقب فيه المتظاهرين بالقتل
و مش محتاجه افكركم بندا الايرانيه
هل احتلت الامم العربيه مركز فعال فى صنع القرار
او حتى احترام شعوبها حول العالم؟؟؟
للأسف مكسبناش اى حاجه
و فضلت المانيكانات محجبه
و فضلت الحريات تحت النقاب
بسنت صلاح الدين
ردحذفسبحان الله حتى المنيكانات هتتجب !
الاهم ان تتحجب النساء وليس العرائس .
ولكن بينى وبينك فعلاً في محلات بتعرض منيكانات عليها ملابس سيئة ومثيرة فعلاً .
عموماً من الافضل التركيز في الاولويات .
تقبلي تحياتي
محمد البنا
طريق النجاح
محمد البنا
ردحذفاشكرك على مرورك الطيب ، انا معاك ان فى بعض المحلات بتعرض ملابس ملفته للنظر لكن مش لدرجه الالتزام بالزى الاسلامى والحجاب يعنى ، و زى ماقلت الاهتمام بالأولويات و خصوصا فى مجتمعاتنا اللى العيوب غرقتها يبقى افضل لينا كتير من التشدد الاعمى
تقبل خالص تحياتى
بيطريه و مش بإيدى
ردحذفكان نفسى ارحب بيكى فى مدونتى ،لكن للأسف انا اضطريت انى احذف تعليقك لأنى احسب انه لا يليق بيكى ولا بمدونتى و قرائها ، و كنت اتمنى انك تختلفى معايا فى الرأى و نتناقش و انا برحب جدا بإختلاف الاراء و مش متعصبه لرأى او فكره بعينها عشان كده بنشر كل التعليقات حتى و ان كانت بتعارضنى ، لكنى طبعا لا ارحب بالألفاظ الجارحه و الخارجه عن الحياء و الادب
و برحب بيكى فى اى وقت تكونى مستعده فيه للكلام الجاد
أزال المؤلف هذا التعليق.
ردحذفبصراحة مش عارف بالظبط
ردحذفبس رغم اني ضد إن النساء تلبس الحجاب بالعافيه او قهراً
بس شايف إن الخطوة لا تستحق كل هذا الهجوم
في انتظار زيارتك عشان تنوري مدونتي
صلي علي النبي
ملحوظة مهمة جداً
ردحذفاللي علق باسم بيطرية ومش بيدي مش صاحبتها ده واحد منتحل شخصيتها
لأني أعرف صاحبة المدونة وهي في غاية الاحترام
واللي انتحل شخصيتها انتحل شخصيتي قبل كده ومدونين تاني
ياريت ناخد بالنا من اللبس ده
http://sasaewmanora.blogspot.com/
وده رابط بيطرية الحقيقي
تحياتي
صلي علي النبي
احلام جوليا
ردحذفنورتينى طبعا ، انا بصراحه اتفاجئت من التعليق الخارج الى اقصى حدود و لكن اتمنى انه يكون واحد منتحل شخصيتها فعلا زى ماقال عاشق الجنه الزائر الكريم ، لأن خساره يكون بين المدونين حد بالأخلاق دى و مسئول عن توصيل كلمه حق للناس
بخصوص رأيك فى البوست بتاعى انا برحب بيه جدا و هو احتمال وارد لو كان بالمقصد اللى انتى طرحتيه يبقى فعلا فكره جميله لتحبيب الناس فى الحجاب ، مش مجرد فرض رأى حتى على الجماد
تقبلى خالص تحياتى
عاشق الجنه
ردحذفنورتنى و يارب متكونش اخر زياره ، انا مش بهاجم خالص على فكره انا بس ضد اننا نسيب اولويات حياتنا و نلتفت لصغائر الامور ان مكانتش توافه ، يعنى انا شايفه ان الحمد لله كفايه ان النساء تتحجب مش المانيكانات كمان ،، يعنى الموضوع ميستاهلش كل الضجه و الغرامات و التهديد بإغلاق المحلات التى تعرض مانيكانات غير محجبه حسب ماجاء فى الخبر و تناقلته الصحف
و اشكرك على التوضيح بالنسبه لبيطريه ولو كان فعلا كده انا بقدملها اعتذارى عن اللبس اللى حصل لكن عذرى انى معرفهاش و التعليق كان اكتر من وقح ، الله يسامحه بقى اللى بيشوه صوره الناس بالطريقه دى
دمت فى صحه و سعاده
على فكرة يا بسنت ممكن قوي الكلام الي اتقال من عاشق الجنة صحيح لاني رحت مدونتها مخصوص علشان اكلمها بخصوص التعليق الفظيع الي اتكتب وهو عبارة عن الفاظ خارجة ملهاش دعوة اصلا باي بوست خالص فلقيتها بتتكلم عن الرسول وبترد على الناس بكل ادب واحترام بصراحة استغربت واحده مثقفة وبتتكلم بالطريقة دي معقول تقول كلام زي ده استغربت جدا بصراحة وبعد ما كنت حكتب لها اعاتبها مردتش خالص وفكرت يمكن يكون فعلا المدونة انتحل حد شخصيتها وتبقى في الحالة دي مسكينة فعلا واتساء لها ولسمعتها بغير لزوم وحسبنا الله ونعم الوكيل في كل من يتصرف بهذا الشكل .
ردحذفاحلام جوليا
ردحذفانا كمان زورتها بعد ماقاللى عاشق الجنه و لقيت كلامها فى قمه الذوق و انا بجد اسفه ليها لو كنت ظنيت بيها ظن سوء و ربنا ينتقم من اللى كان السبب
بشكرك اوى على متابعتك و اهتمامك يا قمر
هههههههههههههههههههه
ردحذفيانساء العالم اتحدن؟
هههههههههههههههههههه
ولوولولولو
اسمحيلى اضيفك عندى فى الريدر بتاع المدونات
اه
والاسقصاء ده ولا هو ايه فى البوست اللى تحت انا مستعد واى خدمة
حلم بيعافر
ردحذفاشكرك على مرورك و مبسوطه اوى ان اسم مدونتى ادخل الابتسامه الى قلبك ، طبعا ممكن تضيفنى و نورتنى و بخصوص الاستقصاء ايميل الباحثه مكتوب فى البوست ممكن تراسلها و ستكون شاكره لمساعدتك
تقبل خالص تحياتى
عاااااااااااادى يا بنتى واللى يعيش ياما يشوف
ردحذفهنقول إيه بس
bos bos
ردحذفنورتينى يا قمر ،و اسمك غالى عليا عشان اسم الدلع بتاعى ههههههه ، معاكى حق ياما هنشوف بس يارب نشوف حاجه تفرح بقى ولو مره على سبيل التغيير
دمتى بخير و سعاده
نظام: تعالى في الهايفة واتصدر
ردحذف:)
تحياتي
micheal
ردحذفاه ده شعار الدول العربيه الجديد ههههههههه ، بشكرك على متابعتك جدا و ياريت رابط المدونه بتاعتك عشان ازورها
تقبل تحياتى
انتى قلتيها ما بنعرفش غير الهايفه عشان نعمل فيها اوائل وقمه ربنا يهدى ويصلح حال الاسلام والمسلمين يارب قادر على كل شىء
ردحذفطوبه فضه و طوبه ذهب
ردحذفامين يارب ، بس ان الله لا يغير مابقوم حتى يغيروا ما بأنفسهم ، يارب نكون نستاهل ان ربنا يصلح حالنا
منورانى يارب دايما