انا جايه اطلب منكم طلب و يارب متكسفونيش
و هى خدمه عظيمه و ان شاء الله ربنا يجازيكم عنها خير
و من منطلق ان مدونتى تهدف فى المقام الاول
الى تشجيع المرأه على تحقيق الذات و النجاح
انا بعرض عليكم نموذج هايل لفتاه طموحه
اعرفكم عليها
هى : شيماء إسماعيل عباس
باحثة بالماجستير بقسم المكتبات والوثائق وتقنيات المعلومات
بكلية الآداب - جامعة القاهرة
شيماء تعد رسالة ماجستير عن" المدونات المصرية على الشبكة العنكبوتية العالمية مصدراُ للمعلومات: دراسة تحليلية"
تحت إشراف الأستاذة الدكتورة "يسرية عبد الحليم زايد" أستاذ المكتبات والمعلومات بالقسم.
و محتاجه الى دعمكم من خلال الاجابه على استقصاء عن المدونون و مدوناتهم
عاوزه اقولكم ان شيماء اتعرضت لسرقه فكره رسالتها اكتر من مره
لأنها قامت بنشر مخطط بحث لرسالتها في شكل دراسة علمية بإحدى الدوريات الإلكترونية المحكمة
و محتاجه ليكم عشان تثبت حقها و تقدم رسالتها للمناقشه
خلونا نساعدها و نبقى كلنا جزء من تحقيق حلمها الرائع
انا سبقتكم و الموضوع فى غايه السهوله
و مش هاياخد من وقتكم كتير
مجموعه اسئله بسيطه
لكن مع شيماء هاتفرق كتيييير
ده الايميل بتاعها
كله حالا يبعتلها رساله يطلب منها الاستقصاء
و عندى امل كبير فى اصحاب القلم الجاد و الهادف
انهم يساعدوها و يقدموا لها العون و الدعم
و شكرا.......
كتر خيرك يا حبيبتى
ردحذفإن شاء الله ناس كتير تتحمس
انا حاولت
لكن يبدو انى تهورت و اخطأت فى محاولتى
لعل مناشدتك تساعدها اكتر
خالص ودى و احترامى ليكى
شيمو دي عسل
ردحذفانا سبقتكم كلكم من كام شهر وعملت الاستقصاء بتاعها
انا شاطره بقى ؟
تم طلب الإستقصاء :)
ردحذففاتيما
ردحذفمفيش اخطاء ولا حاجه يا جميله انتى قلبك ابيض و بتسارعى دائما فى الخير ،و عاوزه اقولك ان لولا البوست بتاعك مكنتش عرفت حاجه عن شيماء خالص ،انتى دائما سباقه يا فاتيما ربنا يجعله فى ميزان حسناتك
صبرنى يارب
ردحذفطبعا يا قمر ده انتى اللى رافعه اللواء و انا بعتبرك انشط مدونه ،ربنا يكرمك ان شاء الله و يجعله فى ميزان حسناتك و هى فعلا بنت طموحه و تستاهل
لك منى كل تقدير
هيثم الكاشف
ردحذفاشكرك اوى على تلبيه النداء ،و عاوزين كلنا نثبت اننا بكلماتنا نقدر نعمل تغيير و شىء جدير بالأحترام ، طبعا انا بدعوك من خلال مدونتك الناجحه انك تساعدها و تقدم لها العون
تقبل خالص شكرى و تقديرى
بسنت صلاح الدين
ردحذفتحت الخدمة في اي وقت مادامت ستعم الفائدة ونحن بالتأكيد ندعم كل نجاح .
و بما انها صديقتك لن نرفض لها طلب .
تقبلي تحياتي نصيرة النساء .
محمد البنا
طريق النجاح
الجميلة: بسنت.
ردحذفأشكرك على دعوتك الكريمة للمدونين من أجل الإسهام والمشاركة في إنجاح مشروع دراستي، فالخير في الدنيا مازال والقلوب الطيبة النقية مازالت طالما أن هناك بسنت وفاتيماوصبرني يارب . بارك الله لكم وجزاكِ كل الخير على دعوتك الكريمة وأشكر لكم إيجابيتكم .. وحبكم لمساعدة الآخرين.
أجمل وأرق تحية لقلوبكم الطيبة التي زادت حياتي نور ومنحتني الأمل .
شيماء إسماعيل.
محمد البنا
ردحذفاشكرك جدا على شعورك الطيب و فعلا ميقدرش معنى النجاح غير انسان متألق و ناجح مثلك
لك منى كل التحيات الطيبه
شيماء
ردحذفيا حبيبتى انتى تؤمرى بس و احنا ننفذ ، انتى انسانه جميله قلبا و قالبا و تستاهلى كل خير ،و الواحد ميقدرش يشوف حد طموح و ناجح متفوق زيك و ميساعدوش ،و ان شاء الله ربنا يوفقك و يكرمك خير ،و نكون اول المهنئين على باب القاعه وقت حصولك على الماجيستير
وجب
ردحذفعلم وجاري التنفيذ
تايه فى وسط البلد
ردحذفنورتنى بالزياره اولا و ثانيا اشكرك على تعاونك و يارب متكونش اخر زياره
لك منى كل التحيات العطره
مليت الاستبيان بتاع شيماء بقالي يومين
ردحذف:)
بالتوفيق لها بإذن الله
تحياتي
تم :)
ردحذفغير معرف
ردحذفاشكرك على تعاونك و ان شاء الله ربنا يجازيك كل خير
تقبل تحياتى
ميسره
ردحذفيارب دايما سباق للخير و بالتوفيق ان شاء الله
دمت فى تألق
Pak Karamu visiting your blog
ردحذفشكرا ليكى يا بسنت على نشر فكرة الباحثة شيماء و ربنا يوفقها بإذن الله ، و أنا بالفعل جاوبت على الاستقصاء الخاص بها فى شهر أغسطس الماضى، و بإذن الله تكون رسالة ممتازة
ردحذفربنا يكرمك يا بسنت على مبادرتك الرقيقة
وفقك الله للخير دائما
تأثير الفراشه
ردحذفاهلا بفراشه المدونات كلها ، و ان شاء الله ربنا يجازيكى خير على مساعده شيماء الطموحه، و بإذن الله نتقابل كلنا فى مناقشه رسالتها
دمتى فى صحه و سعاده