هاحكيلكم النهارده عن بنوته كان عندها 8 سنين
فى يوم من ايام المدرسه كانت حصه العربى
و بالتحديد حصه تعبير
قعدت تكتب و تكتب
و سلمت الكراسه لمدرسه العربى
و عدت ايام
و المدرسه فى اول حصه تعبير نادت عليها
على ورقتها كانت نجمه كبيره قاعده و متربعه
و جمبها اعلى رقم ممكن يحلم بيه تلميذ
رقم 10
و زياده فى الاعجاب من المدرسه
طبعت جمب النجمه كلمه ممتااااااااااز
و قالت للبنوته
لو اديتك هديه تحافظى عليها و تهتمى بيها و كل يوم تراعيها؟؟؟؟
البنوته قالتلها ايوه طبعا
ردت المدرسه
طيب ربنا ادالك هديه حلوه اوى
كلماتك امانه استخدميها فى الخير و حافظى عليها
و اوعى تسيبى القلم من ايديكى بعد كده
و بكره لما تبقى حاجه كبيره اوى افتكرينى
البنوته من يومها و هى بتكتب كل حاجه و اى حاجه
كانت صغنتوته و مكانتش بتعرف تعبر عن احساسها
فكانت بتكتب كل اللى تحس بيه
و حتى بعد ماكبرت و عرفت تعبر و تطلع كل اللى جواها
برضه مسابتش القلم
عشان هى مختارتش الكلمات
الكلمات هى اللى اختارتها
البنوته دى احتفلت يوم الجمعه بأول قصه ليها تشوف النور
فى كتاب شاركها فيه كتير زيها كانت عندهم احلام
البنوته دى
انا
و الكتاب فى المكتبات
مبروووووووووووووووووووك الف مروك يا بسبوسه
ردحذفوان شاء ا لله دايما فى نجاح وان شاء الله دايما فى خير وسعاده
مبروك يا جميل
صبرنى
ردحذفالله يبارك فيكى يا حبيبه قلبى يارب دايما منورانى و مع بعض فى الافراح دايما ،،، ربنا يخليكى ليا على الدعوات الجميله و هاستنى رأيك فى القصه و الكتاب
نصيره النساء
ردحذفمبروك على الانجاز وأنا فعلاً سعيد بنجاحك ده وتحقيقك لأحلامك .
دمتى ناجحه ومتميزه
لا تحرمينا من ابداعك
تقبلي تحياتي
محمد البنا
الف مبروك يا بسنت ربنا يوفقك وعبقال ما نشوف كتابك الخالص
ردحذفغيبه طويله ليكى
دمتى بكل الخير
ما شاء الله ، ألف ألف ألف مبروووووووك يا بسنت :)، و دائما فى تقدم إن شاء الله
ردحذفو جميل جدا تذكرك لهذه المدرسة الرائعة ، يا ريت المدرسين كلهم يكونوا زيها
مبرووووك مرة أخرى
ربنا يوفقك و يكرمك إن شاء الله
مبروك ..أتمنى لكي التوفيق يا بسنت
ردحذفمحمد البنا
ردحذفاشكرك على مشاعرك الجميله دى و يشرفنى وجودك على صفحات مدونتى بذوقك و اخلاقك العاليه
اتمنى لك كل توفيق
بسبوسه
ردحذفيارب ان شاء الله يا حبيبتى و عاوزه اعرف رأيك فى الكتاب بقى
نورتينى
تأثير الفراشه
ردحذفوحشتينى اوى والله يا جميله و الله يبارك فيكى ميرسى على شعورك و فرحتك دى ،، الحقيقه فى ناس قليلين فى الدنيا بيأثروا فى حياه الناس بالإيجاب مينفعش ننساهم بيبقوا عاملين زى الجندى المجهول اللى هو سبب النصر بس الكل بينسى اسمه ،،، مدرستى واحده من الناس دى ربنا يطول فى عمرها
ربنا يوفقك و تفضلى منورانى كده دايما
مايكل
ردحذفمبروك ليك انت كمان على كتابك الرائع
دمت متألق
مليون مبروك يا بسنت وعقبال مليون كتاب يارب انت تستاهلي كل خير ربنا يبارك لك ويجعلة فاتحة خير عليك
ردحذفاحلام جوليا
ردحذفربنا يخليكى ليا يا قمر على الدعوات الجميله دى و يارب اشوفك فى احسن مكانه
تقبلى تحياتى و حبى
الف مبروك
ردحذفوانشاء الله عقبال كتابك المستقل
مع تمنياتى بمزيد من التالق
تحياتى
ممكن
ردحذفالمدونه نورت و اشكرك على زيارتك الحلوه ،،، ميرسى على الدعوات الرقيقه
و منى خالص التحيات و التقدير
مبرةك ياجميل
ردحذفمن تقدم لتقدم
إن شاءالله
دى أول زيارة ليا
دمتى بود
امرأه من ثلج
ردحذفالله يبارك فيكى يا حبيبتى المدونه نورت بيكى و يارب متكونش اخر زياره بقى
لكى خالص تحياتى و تقديرى