وحشتووووووووووووووونى
و المدونه وحشتنى
بعتذر عن غيابى بس عندى ظروف
استنوا منى اخبار حلوه قريب
موضوع النهارده اللى هاكلمكم عنه
مش موضوع بقدر ما انه قصه
اثرت فيا اوى
و كتيييييييره اوى القصص اللى بتأثر فيا رغم بساطتها
لكن دى بالذات حبيت تشاركونى فيها
عشان اكتشفت الغلطه اللى كلنا بنعملها من غير ما نحس
كنت يوم مسافره و ركبت الاتوبيس
و لقيته زحمه اوى فدرت بعينى يمكن الاقى
كرسى فاضى وصلتله بعد عناء فى نهايه الاتوبيس
اول ما لمحتنى متجهه للكرسى
بسرعه قامت رفيقتى فى الكرسى اللى جمبى
تلملم شنطتها و نفسها و تحاول تفسح ليا مكان
و لقيتها و كأنها تزيل عن نفسها ذنب
تحاول ان تلتصق بالشباك عشان اقعد مرتاحه
استغربت و ابتسمت لذوقها و قعدت
لقيتها بدأت تكلمنى و تتأسف عن وزنها الزائد
و تطلب منى العفو و السماح
و بدأت تحكيلى قصتها
كانت بنوته فى ثانوى مسافره لعمها
و من عمها لتهرب
و تحت تهرب دى حطوا مليوووون خط احمر
الى تركيا
رايحه تعمل عمليه عشان تتخلص من وزنها
قد ايه عينيها دمعت و هى بتحكيلى عن الناس
و عن نظراتهم و الاشفاق و السخريه
اللى ماليه عيونهم
تعليقات تافهه و عقول سطحيه
اضطرتها انها تغامر و تسافر لعمليه فى علم الغيب
و تجازف بأن تجرى امتحاناتها فى السفاره هناك
من الاخر سابتلهم البلد و مشيت
سرحت منها و قلت كلنا بنعمل كده
كلنا بنستخبى بعيوبنا خايفين من الناس
و فكرت
ماتيجى نحب نفسنا
انا كمان هاحب نفسى ،،، فيها حاجه دى ؟؟؟
تعالوا نتباهى بعيوبنا لأننا لا نملك ان نعترض
تعالوا نشكر الله على المحاسن و نترك الكمال لله وحده
البنت دى كانت روحها اجمل من مليون بنت جميله
بس الافكار المشوهه اجبرتها ان تلتحق بركب
الرشيقات الفاتنات بغض النظر عن قيمهم او عقولهم
"اللى بتتمثل فى قلم الروج و احدث صيحه فى الوان الشعر"
و كأن العالم من فرط جماله لم نعد نسمح فيه
بأى شخص يمكن ان يشوه اللوحه الكامله
جميل ان نهتم بصحتنا و مظهرنا
و لكن الاجمل ان نرى فى الناس جمالهم الحقيقى
و احب افكركم بمثل اجنبى
بيقول ان الجمال فى عين ناظره
يعنى لو انت جميل من جواك هاتشوف كل الدنيا جميله
و بديعه فى خلقها و تصويرها
من هنا احب اقولها
انتى جميله بروحك و بكل مافيكى حتى بوزنك الزائد
و اللى شايف غير كده ،،،،، يشرب من البحر
طولت عليكم بس بجد كانت تجربه تستاهل انها متمرش عليا مرور الكرام
ياااااااااااااه
ردحذفتصوري محتاجين نحب نفسنا؟.
انا كمان قررت احب نفســــــي
عودا حميدا ياقمر
انتي من الناس اللى حببوني في التدوين بجد
وللاسف من وقت مادخلت التدوين مش لاقيتك :(
حمدالله ع السلامة وبلاش تغيبي تاني
كن جميلا ترى الوجود جميلا
ردحذفجمال الشكل والجسد صحيح يبدو لوحة إلهية رائعة ناطقه بالجمال
ولكنه إلى زوال
مفيش حد وحش في الدنيا دي كل انسان فيه شئ جميل ويميزه عن غيره في الشكل
ولكن جمال الروح وصفاء النفس
لايتوافر عند كل انسان في الحياة
أسعدك الله
معاكى حق والله لازم نتعلم نحب نفسنا اكتر من كده..
ردحذفماحدش هيحبك غير لما تحب نفسك الاول..
بس للأسف فى مجتمعنا الحالى الراجل بيبقى كورة مدورة وبكرش قدامه ومع ذلك يدور على واحده منيكان وبيلاقى وبيتجوز..عادى..لكن للأسف العكس مش صحيح ابدا..احنا مجتمعنا دايما بيدور على جمال التغليف ومش مهم الى جوه ايه..راقبى الرجاله بتتعامل مع الحلوين ازاى ومع غيرهم ازاى..المعامله مختلفه تماما بتلاقى كل حاجه سهله ومافيش تعقيدات ودايما تحت امرهم...العكس تماما مع غيرهم..صدقينى البنت دى مع احتامى لرأيك اخدت خطوة مهمه فى حياتها وان شاء الله هتفرق معاها كتيير..فى مجتمعنا المتخلف ده..
تحياتى
اعقل مجنونه
ردحذفميرسى اوى على كلامك الجميل و غيابى غصب عنى بس اوعدك مش هاغيب تانى و يارب اكون عند حسن ظنك ،، مبسوطه اوى انك اقتنعتى بالفكره زيى و ان شاء الله تلاقى تغيير كبير اوى و سعاده اكبر لما تقدرى نفسك
نورتينى يا قمر
من كل بستان زهره
ردحذفصحيح فعلا مفيش حد وحش لكل انسان بصمه تميزه و تجمله و تختلف من شخص لأخر ، و الجمال بس بيخلى الاسنان تمثال للمشاهده فقط و ليس للعيش معه
مع خالص تحياتى و تقديرى
بنت الغربه
ردحذفانتى جبتيها من الاخر بس تعرفى انها مش غلطه الراجل بس لأنه بيلاقى اللى بتبذل كل ما تملكه من مال و مشاعر من اجل اسعاده و لفت نظره و بالتالى الرجال اعتبروا الظفر بجميله الجميلات حق مكتسب ،، الرسول الكريم اوجد اساس الاختيار و جعل الجمال جزء من الكل و لكن للأسف دلوقتى بقى مش مهم تبقى طيبه او على خلق او مثقفه او ناجحه او تقدر تفتح بيت و تتحمل مسئوليه المهم تبقى قمر 14 و لو 16 يبقى ياريت
اسعدتنى مشاركتك جدا و نورتينى
السلام عليكم
ردحذفاول مرة ادخل مدونتك يابسنت وعجبتنب جدا
اما عن القصة دي فعلا اهم حاجة الروح كتييير من الناس جميلة بس اهم حاجة قلوبهم فيها ايه للاسف اعتادنا نشوف المظاهر بس حتي في الدين نبص دى محجبة ولا لا دة مربي دقنه ولا لا
ربنا يهدينا
تحياتي وارجو التواصل في مدونتي
السلام عليكم ورحمة الله وبركاته
ردحذفاسمحى لى بالتعليق
أولا اول زيارة ليا فى مدونتك وبجد جميله
ثانيا : عمر ما كان المظهر ولا شكل البنى ادم مهم ... الاهم هو روحه وفكره
ممكن تكون واحده رشيقه وفى غاية الجمال ويكون دمها تقيل ومفهاش روح ...
وممكن تكون واحده كلبوزه وروحها زى العسل
والمفروض الواحد ميغيرش فى خلقة الله
نفضل زى ما خلقنا الله
ونقول الحمد لله
بس مع الاسف لنظرة بعض من الناس بتكون نظره سطحيه
موضوع جميل
تمنياتى بدوام التواصل وزيارة مدونتى
كل الاحترام والتقدير
الحب الجميل
هيثم
ردحذفنورت المدونه و يارب متكونش اخر زياره ، فعلا كل الناس بقت يهمها المظاهر حتى فى التدين و الاخلاق زى مايكونوا بيستمتعوا و هما بينضحك عليهم
طبعا لازم ازور مدونتك
دمت بخير و سعاده
الحب الجميل
ردحذفتعليق شافى ووافى و بشكرك على مرورك الكريم و ربنا يجعلك ممن ينشغلون بالقلوب و ليس الوجوه ، ان شاء الله هازور مدونتك قريب و اتمنى الزياره تتكرر
تقبل خالص تقديرى
أن شاء الله تتكرر ويدوم التواصل والمحبه
ردحذفمرسيى ليكى
فعلا الجماااااال عمره ما كان جمال الصوره
ردحذفجمال الروح اعمق واسمى واجمل من جمااااااااااااااال الصوره
يكفى الروح المرحه وحبها للى حواليها وحبها لربها وخوفها منه فهذا قمه من الجمااااال
موضوع جميل كان يستاهل التنويه عنه
دمتى بجمال روحك
مرمر
ردحذفنورتينى و المدونه اتشرفت بمرورك فعلا جمال الروح يغلب جمال الصوره
دمتى بكل تألق و جمال