الجمعة، 18 يونيو 2010

هااااااااااااتجوز




وحشتونى اوى معلش بغيب عنكم
بس برجع و مقدرش استغنى عنكم ابدا
وبحب دايما تشاركونى افراحى
عندى خبرين حلوين طبعا عرفتوا اول واحد
من الفضيحه اللى فى العنوان
هاتجوز ان شاء الله يوم 7/9
ادعولى بالله عليكم
اكون قد المسئوليه
و اعمل بيت جميل و ربنا يقدرنى و اسعد زوجى
و اخليه اسعد راجل فى العالم
و اكون زوجه ناجحه و بيتى حته من الجنه
و هو كمان يحبنى و يشيلنى فى عينيه
وصوه عليا بقى مش انتوا تبع العروسه ولا ايه ؟؟؟
عقبال كل السامعين و اللى اتجوز يعيش فى سعاده و حب
و اللى مخطوب يتجوز
و اللى لسه مش مخطوب يتخطب ان شاء الله
يالا كل اللى عنده نصيحه او دعوه انا مستنيه اسمعكم
و عاوزه اسمع احلى زغروته
نيجى بقى للخبر التانى
ان شاء الله من يوم السبت اللى هو بكره
الموافق 6/19
هايبدأ برنامجى على اذاعه راديو وسط البلد
البرنامج اسمه على الرف
يارب يعجبكم و اكون ضيفه خفيفه عليكم
و ده رابط الراديو

مستنيه كمان ارائكم عن البرنامج
على جروب الراديو على الفيس بوك
ادعولى ربنا يوفقنى
و هاستأذنكم طبعا فى اجازه
هاتجوز و ارجع علطول
المدونه امانه فى رقبتكم
و زى مدونتكم خدوا راحتكم على الاخر
و هاتابع ردودكم و ارد عليها ان شاء الله
استودعكم الله

هناك 15 تعليقًا:

  1. الف الف مبروك يا قمر
    اولا طبعا عشان فرحة الزواج و ثانيا عشان برنامجك على الراديو
    ويا رب بإذن الله ربنا يوفقك و يسهل طريقك على طول
    وبالرفاء والبنين والسعادة الدائمة ان شاء الله :)

    ردحذف
  2. همسه
    الله يبارك فيكى يا حبيبه قلبى انتى اول واحده تباركى و ربنا ميحرمنيش من دعواتك الحلوه ربنا يتقبل ان شاء الله و يكرمك و يجازيكى بمثل ما دعيتى

    ردحذف
  3. الف مبروووووووووووووك يا بسنت بارك الله لكما وبارك عليكما وجمع بينكما فى خير
    انا بتابع مقالاتك فى الدستور وبجد من اكتر الكتاب الى اثروا فيا ببساطة كلامهم اشكرك على المعانى الجميلة اللى وصلت ليا من خلال كلماتك
    واتمنى ليكى كل السعادة والفرح والاستقرار فى حياتك وان شاء الله انتى وزوجك تفضلوا مع بعض دايما فى الدنيا وتسكنوا الفردوس الاعلى فى الاخرة ربنا يوفقك .

    ردحذف
  4. مبروك يا جميلة ربنا يتمم ليكى بخير يارب ويرزقك بالذرية الصالحة وتبقى حياتك جميلة دايما

    ردحذف
  5. لولولولولولولولولولولولولولللللللللللللللللللىىىىىىىىىىىىىىىىىىىىىىىىىىىىىىىىىىىىىىىىىى

    الف مليون مبروك فرحتينى جدا جدا والله
    يا حبيبتى يا عسل ربنا يوفقك يارب وتبقى حياتك هنا وسعادة وراحة بال يارب
    اللهم بارك لكما وعليكما ويجمع بينكم فى خير يارب

    ايوه كده خبرين مفرحين فى وسط زحمة الاخبار الفظيعة دى ياه دا انتى خليتى الدنيا طراوة
    ربنا يبارك لك يارب والف مبروك الجواز اولا والبرنامج رغم انهم فى الترتيب العكس لكن صراحة كنت مستنية خبر الزواج ده ربنا يفرحك يارب ويسعدك واهم حاجة ربنا يؤلف بين قلوبكم يارب
    خلى بالك اوعى ثم اوعى الدنيا الوحشة دى فى يوم من الايام تنسيكم الحب والمودة هما دول اللى هيقوكوم ع الايام والدنيا من كتاباتك هنا اعرف عنك انك عندك دين ووعى وعارفة الاصول علشان كده باذن الله باذن الله متوقعالك حياة زوجية ناجحة باذن الله
    لولولولولولولولللىىىى

    ردحذف
  6. امانى
    الله يبارك فيكى و ميرسى على الدعوات الجميله يا قمر ربنا يخليكى ليا بس انا مش بسنت الصحفيه اللى فى الدستور انا مكتبتش غير فى جريده الصباح العربى و بجد انتى المليون تقريبا اللى تتلخبط بينى و بينها و شوقتونى ليها جدا و شكلها انسانه جميله و كاتبه محترمه بتمنالك كل توفيق فى حياتك يارب و ربنا يجمعنا جميعا على خير ان شاء الله

    ردحذف
  7. بسمه
    نورتينى يا قمر الله يبارك فيكى و عقبالك يارب و ان شاء الله تفضلى دايما متألقه و مبدعه و بتمتعينا بكتاباتك

    ردحذف
  8. مامه مازن
    وحشتيييييييييييييينى اوى اوى اوى اوى و مبسوطه ان الخبر ده هو اللى رجعك تانى للمدونه و ميرسى على الزغروطه الجميله يا قمر عقبال العريس و العروسه الصغنتوتين ، ميرسى على النصيحه الجميله و فعلا عندك حق الحياه بقت صعبه اوى و مش كله بيقدر يحافظ على الحب يارب ابقى من القليلين اللى يقدروا يعملوا كده و احافظ على بيتى و جوزى و على الحب اللى مابينا ،، و البرنامج ان شاء الله لازم تتابعيه و تقوليلى رأيك ربنا يهنيكى يارب و يحفظلك زوجك و اولادك

    ردحذف
  9. بسنت نصيرة النساء
    بارك الله لكما وبارك عليكما وجمع بينكما في خير
    ألف مبروك وأسأل الله ان يديم عليكي الفرح والسرور وان يجعل بيتكما نواة لبيت مسلم صالح .
    وبهذه المناسبة اهديكي هذا الموضوع على مدونتى بعنوان كيف تسعدين زوجك
    http://tareekelnagah.blogspot.com/2009/03/blog-post_26.html
    تقبلي مروري
    محمد البنا

    ردحذف
  10. ماشاء الله كده الواحد اكتسب كاتبة جميلة كمان باسم بسنت :P
    الف مبروووووووووووك ليكى بردو وهتابعك ان شاء الله فى جريدة الصباح العربى :)

    ردحذف
  11. مليون مبروك يا بسنت انا كنت مسافرة ولسة راجعة وفرحت لك قوي بالخبرين الحلوين دول ربنا يسعدك يا رب ويهنيك ونصيحتي استمتعي بكل لحظة في حياتك الجديدة من اول تاسيس البيت ولحد زواجك والنصيحة التانية الجواز عاوز الصبر وطوله البال لو بعد الشر عنك زعلت من العريس في اي شئ اصبري لا تنفعلي لا تردي اصبري الكلام الاقل مفيهوش غلط لكن الي بيتكلم كتير وينفعل اكيد بيغلط وربنا يسعدك يارب ويبعد عنك الشيطان مش حوصيك اقري المعوذتين وايه الكرسي وبعد الفرش شغلي سورة البقرة بشقتك وربنا يسعدك يارب 

    ردحذف
  12. الف الف الف مبروووووووووووووووووك

    ردحذف
  13. مبروووووووووووووووووووووك
    يارب أيامك كلها تبقى سعاده

    وان شاء الله تبقي أحلى عروسه

    ردحذف
  14. الف الف مبروووووووووووووووك ربنا يبارك لكم يارب ويجمع بينكم فى خير

    ردحذف
  15. مصر فى مهب الريح

    فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 – العدالة الاجتماعية .. وأطفال الشوارع والذين يملكون كل شىء .
    5 – ضرورة الاتحاد مع السودان لتوفير الغذاء وحماية الأمن القومى المصرى.
    6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

    لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

    ردحذف