السبت، 12 مارس، 2011

رجعت تانى

وحشتونى اوى اوى
المدونه كمان وحشتنى
رجعت تانى بس مش جايه لوحدى
شايله جوايا مدونه صغنتوته
يارب مستقبلها يبقى احسن مننا كلنا
و يطلع الجيل الجديد فى حريه و يبقاله صوت مسموع
مش هتكلم عن الاحداث اللى حصلت ولا هتنبأ باللى جاى
انا كتبت من جوايا حاجه يارب تعجبكم
و يارب ميكونش مستوايا قل بعد الجواز هههههههههه
و اكون عند حسن ظنكم
مستنيه ارائكم من تانى زى ماعودتونى

شاطر و مشطور

شاطر و مشطور

شاعر مغمور

قال انا هكتب خاطره

فى ايده كوبايه شاى فتله

ورقه و قلم

حضر و سطر و سمى

وقف القلم على طرف الورقه

اكتب عن ايه مش لاقى فكره

اكتب عن الحصار ؟؟

لا هاكتب عن الثوار

كان فى مره ميدان و خيمه و علم

و قامت ثوره

و بعد الثوره ؟؟

حط القلم و شال القلم

بعد الثوره عربيه فيشار ؟؟

لا لا ده كان قرار

هاطرد فسادى و اعلم ولادى

يقولوا لأ للى ظلم

يقولوا اه للى اتحرم

يقولوا لأ للظابط اللى على الغلبان قبض

و يقولوا لأ للمعجبانى اللى هرب بعد ماقبض

يقولوا لأ للى باع و اللى اشترى

يقولوا لأ ده قفانا ياما اتهرى

و اسكت ليه ماخلاص كوز المحبه اتخرم

و اسكت ازاى ده كان فاضل يبيعوا الهرم

يشيلوا و يحطوا ورث و حطوا ايديهم عليه

قالوا راجل شقيان غفلان مش راح يسأل بكام ولا ليه

بس اتنفضوا ولاد الايه

قالوا انت هنااااااااك رايح فين و بتعمل ايه ؟؟

ده اوانى ولا هاسكت ولا ادارى

غمه و زالت و بردت نارى

ادى شبابى فكوا حصارى

حقى اهو رجع و اخدوا بتارى

قالوا ارحل

قالوا عدل غير حرر

بلدى و عرضى و فيها هاعمر

هناك 5 تعليقات:

  1. اهلا وسهلا برجعتك :)
    وربنا يجيب المدونة الصغنتوتة بالسلامة D:

    كلامك رائع طبعا وكلنا بقلوبنا مع مصر ارض الكنانة وام الدنيا
    وكلنا رفعنا راسنا بيكم.. وربنا يوفقكم يا رب
    تحياتي لكِ يا بسنت :)

    ردحذف
  2. همسه
    ميرسى على الدعوه الجميله و شكرا على المرور الكريم و ليا الشرف ان الكلام عجبك
    مع خالص تحياتى

    ردحذف
  3. إزيك يابسنت , والله واحشانا كلنا :)

    ألف مبروك على المدونة الصغيوره و أحلى حاجه إنها هتيجي في عصور الحرية :)

    و أخيرا فعلا فكينا الحصار و دافعنا عن بلادنا , و إلى التعمير.

    ردحذف
  4. حبىىىىىىىىىىىىىىىىىىىىىىىىىىىى
    ازيك يا بسنت يا نهار ابيض يا ساعة مبروكة دى اللى فتحت فيها المدونة ولقيتك هنا
    يا نهار ابيض ازيك يا عسولة عاملة ايه اخبارك ايه ازى حالك وحياتك وزوجك وبيتك ودنيتك كلها
    يارب نسمع عنك كل خير يارب
    ومبروك البيبى وربنا يكملك على خير يارب وتقومى بالسلامة
    ياااااااااااااااااااااااه ازيك

    ردحذف
  5. مااااااااااااااااااا احلى الرجوع


    كل الاقلام حاليا تانبى الا ان تكتب عن الثوار

    ردحذف