بغض النظر متفق معاه ولا لآ متفائل... متشائم مش مهم
الحقيقه اللى منقدرش ننكرها
ان الراجل اذهلنا بخطابه
حاجه كده صناعه امريكيه بعيدا عن الخطب الرنانه
و الشعارات اللى مش بتأكل عيش
فى ايجاز و اختصار
بدأبالثناء و الاعتراف بفضل الاسلام
حدد نقاط الخلاف
عرض المشاكل
و سرد الحقائق
اوجد حلول
و عندما ظننا كلنا انه انتهى من الملف السياسى بأكمله
اطل علينا بلفته جميله تهمنى انا شخصيا كأمراه
اتكلم عن حريه المرأه و حقها فى المساواه والتعليم
و انه لاسبيل لنهضه الامم بدون المراه المتعلمه المثقفه
و عن اهميه دخولها المجال السياسى و كل مجالات الحياه
و عن اهميه دخولها المجال السياسى و كل مجالات الحياه
مع احترامه الشديد لمن تتخذ من الحياه الاسريه طريقا تسلكه بعيدا عن العمل
لكن طبعا ده لا يمنع انها تتلقى تعليم جيد لكى تنشىء جيل مثقف وواع
هنا قلت باعلى صوتى الراجل ده بيقول كلام زى الفل
لعالم ظلمنا كثيرا
ردحذفالعالم ظلمنا كثيرا ولم يعطنا حقنا من الابداع
فنحن بحق واضعى اسس منهج الضــــــياع
ونجيد تقسيم الصحيح الى فتافيت واربـــاع
من اجل اعتماد هم على انفسهم وخلق الاتباع
فى كيانات صغيرة مغيرة للرضا الذاتى والامتاع
وتأجيج الخلافات لتعليمهم كيفية ادارة الصراع
والتدريب على التخريب والتهريب بكل قناع
والتلاعب بالمتاعب وخلق المآسى والاوجاع
ونطالب بــ نوبل على الفيمتو دويلة فى كل البقاع
وتتزايد دولنا بالتقسيم وناكل برسيم اليس هذا ابداع
وتتقوى دول العالم بالاتحاد وتصير اسووود وسباع
على بلاطه
ردحذفاشكرك على المرور
الحق يتقال انا لخطاب ظهر تاريخى زى ماهو كان عايزه لانه صيغ باحترافية عالية جدا جدا
ردحذفوبعيدا علىا لقضايا السياسية كلامه عن الديمقراطية وحرية الأديان وحرية المرأة احترمته فيهم جدا جدا بس برده بسأل بالنسبة لكلامه عن القضايا لسياسية الخطوة الجاية ايه ؟
manoo
ردحذفان غدا لناظره قريب و خلينا نعترف اننا حققنا الى الأن نصر ولو صغير لأن خطابه و حضوره واعترافه بفضل الاسلام والدول العربيه نقطه تحسب لينا
اشكرك على مرورك
بيسو بسنت كيف حالك اختى يارب تكونى بخير
ردحذفاوباما الناس متفائلة بيه بجد والناس فرحت قوى بخطابه لانه لاول مرة اعترف وهو طبعا رئيس امريكا يعنى امريكا اعترفت بالبلاوى بتاعة اسرائيل الاحتلال والاستيطان والناس المشردة والمهجرة فى كل بلد شوية
انا مقدرتش اتابع الخطاب انما شفت مقتطفات عجبتنى قوى فى كلامه عن الاسلام والقضية الفلسطينية و ايران والعراق( لكن ابو مازن جه قطع فرحتى قالى احنا عايزين افعال مش اقوال الراجل ده ثبتنا كلنا هههههههههه
الرجاله دول طب سبنى افرح النهاردة وابقى قولى بكرة قالى لا م الاول كده ما تعشميش نفسك ههههههههههه)
المهم بلاش هزار بقى انا نفسى فعلا يكون صادق فى كلامه عن فلسطين الحبيبة ويكون كلامه عنها احساس حقيقى بالمعاناة
تفتكرى ممكن يعمل حاجة التاريخ يشكره بيها
الامل الامل الامل
مامه مازن
ردحذفيا حبيبتى منورانى رغم انى عارفه انك تعبانه و متقدريش تقعدى على الكمبيوتر كتير،والله ابو مازن عنده حق، بس الراجل يستاهل نديله فرصه و نتعشم خير، خصوصا ان الصحف الاسرائيليه شنت عليه حرب كلاميه لا يحسد عليها بسبب تصريحاته فى الخطاب اللى ادان اعمال الاستيطان ،ووصفته بمعاداه الساميه و موالاه العرب،يارب يصمد و يترجملنا اقواله الى افعال و على رأي اوباما اللى قاله للصحافه احنا استنينا 60 سنه بنتفرج على الصراع بين العرب و اسرائيل نستنى كمان كام شهر عليه لكى ينفذ الوعد
دمتى بخير و صحه
عادي رجل سياسي محنك و متمكن حتى يخليك تسمعه لازم يقولك كلام بالطريقة اللي تعجبك بس المضمون التقليدي العادي
ردحذفهو فعلا بيتكلك كلام زى الفل لكن ماقالش حاجه جديده ..
ردحذفعموما نتمنى أن يصدق فى كلامه رغم الزلات الكثيره اللى وقع فيها ..
و طبعا تعليم المرأه لا يختلف على أهميته أثنين يعنى شىء بديهى مش مستنيين نسمعه من أوباما شخصيا :))
تقبلى تحياتى و تقديرى ..
بسنت ازيك يا قمر
ردحذفربنا يجعل الخير على ايديه
وميطلعش بيزوق الكلام علشان ينومنا
ربنا يجعل الاسلام اللى كان عليه يهديه للطريق المستقيم ويشوفله حل فى فلسطين والعراق ولبنان واسرائيل
يابسنت ياطيبه دققي شويه في الخطاب بعيد عن عاطفة المصريين وترحبهم باتلضيف
ردحذفالراجل ده هددنا تهديد زي الفل
تهديد بشياكه علي طريقة اسمنه وادبحه واكله
jannah
ردحذفاشكرك على مرورك،و عندك حق هو من ناحيه محنك فهو محنك اوى
استاذ عمرو
ردحذفطبعا كلامك صح تعليم المراه شىء بديهى و لكنى لم اتوقع انه يختار ان يتكلم فى هذا الموضوع الخارج عن نطاق السياسه
شكرا لمرورك
nona
ردحذفاهلا يا حبيبتى نورتينى ،فعلا والله ياريت يكون الاسلام اللى عاصره فى طفولته ترك فيه شىء من المصداقيه و العدل
شمس النهار
ردحذفالحقيقه خطابه كان يحمل معانى متناقضه كتير يعنى متعاطف و فى نفس الوقت بعيد عن الشفقه،يساندنا و لكنه لا يؤيدنا، عشان كده انا سجلت اعجابى بالخطاب بعيد عن معانيه ومايخفيه
نورتينى يا احلى شمس
بسنت صلاح الدين
ردحذففعلاً الراجل ده بيقول كلام كويس ولكن ....
الخوف ان يكون يقول عكس ما يبطن .
المهم ، انا كنت متأكد ان موضوع حقوق المرأه ده لن يمر عليكي هكذا مرور الكرام ، وانك سوف تلفتين النظر عليه .
تقبلي تحياتي يا نصيره النساء .
محمــد
طريق النجاح
محمد البنا
ردحذفاشكرك على مرورك و لك منى كل التقدير،الايام سوف تثبت لنا صدق او كذب ماينويه،و بعدين ازاى تعدى عليا يعنى ان اذكر المراه،ده يبقى كده ماستحقش اللقب اللى اطلقته عليا
خالص تحياتى
مسمعتش الخطاب بصراحة..
ردحذفبس الكل أجمع إنه قال كلام زي الفل..
أعتقد أن أوباما سيغير العالم..
شكراً يا بسنت..
دمتي في تألق..
ميسره
ردحذفاشكرك لمرورك ،و يسمع منك ربنا
اهو كلام ابن عم حديت او طق حنك قالهم وروح ننساه ونشوف اللى ورانا
ردحذفتحياتى
لاسع افندى
ردحذفالمتهم برىء حتى تثبت ادانته،بس انا معاك اننا احسن نشوف اللى ورانا
اشكرك على مرورك
أحييكى جدا، الحقيقة يا بسنت، إنت اللى بتقولى كلام زى الفل
ردحذفتحياتى ليكى دايما
د/نهى
ردحذفيا حبيبتى المدونه نورت بتعليقك،و الله انتوا اللى ناس زى الفل
تقبلى خالص تحياتى
اشكر زيارتك ودائماااا وابدا انتم سباقين اشكر حسن ودكم اتجاهي..اما بالنسبة لموضوعك..زي الفل..بس الفل واالغار انتي..الرجال بحكي من واقع مصالح عليا اختصت بها بلدة..ولي من باب مباديء..ولوكان صحيح مباديء بكفي دعم القمع وعلي راسها اسرائيل..انتي لك باقة زنق غيسانة تلثم وجهك الرائع..حلم..
ردحذفزي ما قولتي بغض النظر عن متفق معاه او لاء او اذا كان الحوار عاجب او مش عاجب...:)
ردحذفبس فعلا من المنظور الخارجي هو عارف ازاي يكسبنا كلنا كشعب مصري مسلم نساءا ورجالا قبل اي حاجة تانية
بس من المنظور العميق كلامه لا يمثل جديد عن الي بنسمعه من امثاله العرب بس جديد من امثاله من الدول الاجانب
بالنسبة للجملة في حد ذاتها اكيد كلام زي الفل مهما كان مين قائلها,,,
وتحياتي,,,
سلام الله عليكم ورحمته وبركاته
ردحذفالراجل بيئول كلام زي العسل بالنسبة لمين
انا احدد اهداف الكلام من وجهة نظري في نقاط
1- هو حب يكسب عطف الشعب الاسلامي وقلبه فبدأبالثناء والاعتراف بفضل الاسلام
2- لكنه اكد على نقاط كثيرة هي من ثوابت الامريكان
وهي ان اسرائيل صديقة الامريكان وانها دولة لابد ان يعترف بها وان اليهود مظلومين وشردو وانها وامريكا شوكة واحدة لايمكن ان تنكسر ابدا
3- واكد على ان حماس لابد ان تعترف باسرائيل وبعد كده يحلها ربنا
4- لا تدخل امريكا في الديمقراطية البلد فكل بلد ودولة حرة تختار الديمقراطية اللي تعجبها وطبعا ده كلام جميل
بس معني انه يتئال في الوقت ده انه تمهيد لعملية التوريث ودي رسالة انه مش هيدخل في اي انتخابات حرة كانت او ....
المهم مش هطول عليكم الموضوع بتاعك جميل وياريت ميكونش الخطاب كلام وبس
يعني
من ابتغى العزة في غير الاسلام ازله الله
من ابتغى العزة في غير الاسلام ازله الله
من ابتغى العزة في غير الاسلام ازله الله
وسلا ا ا ا م م م م م م
حلم
ردحذفاشكرك على زوقك ،والله انا احترمت صراحته انه قال احنا هنفضل بجوار اسرائيل ،على الاقل وضح موقفه كويس مريحناش بكلمتين و اتعامل معاهم من ورا ضهرنا، وبعدين اكيد هو بيدور على مصلحه بلده ،لكن السؤال بقى لحد امتى احنا اللى هنفضل مستنيين حد يشوف مصلحتنا؟؟؟ياريت دوله عربيه واحده تقول على شقيقتها احنا يد واحده واللى يتصور اننا سنفترق يبقى واهم زى ماهو قال على اسرائيل
اشكرك على مرورك و زيارتى لمدونتك كانت لأنها تستحق الزياره بالفعل
rooma qandil
ردحذفمنورانى يا قمر و يارب متكونش اخر زياره،عجبنى اوى اسم مدونتك و ليكى زياره قريبه ان شاء الله،مننكرش ان الراجل ذكى جدا و فعلا هو مضافش حاجه لينا بس بالنسبه للغرب ضاف كتير بدليل هجوم اسرائيل عليه لأنه بس ذكر المستوطنات رغم انه قال انه سيستمر فى الدفاع عن اسرائيل
ابو بدر الدين
ردحذفاقدر غيرتك على دينك و ووطنك،لكن انا ذكرت فى البدايه اعجابى بالخطاب مش لأنه اضاف لنا او جابلنا حقنا،لكن لأنه كان بليغ و يختلف عما نسمعه من شعارات،بعيدا عن الانتخابات موضوع عدم تدخل امريكا فى الشئون الداخليه وتطبيق الديموقراطيه مهم لأنه هايقطع على منظمات حقوق الانسان الطريق فى فرض رايها على مصر بالقوه ،انما انا مكنتش متوقعه اى حاجه تانيه على عكسك يعنى اكيد امريكا مش هاتيجى تقول اسرائيل طلعت وحشه و هنمشيها عشان خاطر سواد عيون العرب ،اللى اصلا مش عاوزين يتحركوا عشان يحلوا قضيتهم،الراجل قالها صريحه مصالحهم مع بعض ،دوروا انتوا على مصلحتكوا،اتحدوا بقى زى ماهما متحدين الله يرضى عنكوا، و يحسب ليه اعتراضه على الاستيطان اللى قلب اسرائيل كلها ضده
اشكرك على مرورك و لك منى كل احترام
كلامه هدأ الجماهير لكن المثل بيقول الميه تكدب الغطاس
ردحذفالأيام ستوضح مدى صدقه
أعجبني كلام فهمي هويدي حين قال لا تشك في نيته ولكن شك في قدرته
دي اول زياره ليا هنا
مدونتك ظريفه خالص
أتمنى تشرفينا بزيارة مدونتي
مصطفى ابو زيد
ردحذفنورت المدونه و يارب متكونش اخر زياره ان شاء الله،عندك حق خليك ورا الكداب لحد باب الدار او لحد مانشوف اخرتها،اكيد طبعا ليك زياره لمدونتك قريب
اشكرك على مرورك الكريم
طبعا بيقول كلام ذى الفل مش قال احلى كلام فى حقنا يبقى لازم نصقف له تيت تيت اوباما اى خدمه لا تحيز ولا محسوبيه دا كلام ميه ميه
ردحذفطوبه ذهب و طوبه فضه
ردحذفمنورانى يا حبيبتى،فعلا من غير تحيز الكلام ميه ميه عقبال الفعل
أكيد طبعا الراجل ده برزنتر جامد اوى و عنده كاريزما عالية اوى و طريقة كلامه أنا كنت منبهرة بيها لانى لأول مرة من زمن حسيت انى بسمع خطاب بجد
ردحذفكلامه كان حلو و ياريت بجد الناس تستوعبه و تاخد بيه و مخهم يكبر شوية خصوصا فى موضوع المراة ده فعلا
انا و دماغى
ردحذفمنورانى يا عسل،ياريت نتعلم فن الخطاب و الاقناع عشان نعرف نوصل للناس بالشكل ده الراقى و الذكى فى نفس الوقت
اشكرك على مرورك
ازيك انت فين اصلا
ردحذفشوفي هو كلامه ماكنش متناقض والا حاجه هو كان بيهدد بمنطق العصا والجزره
يضرب ويلاقي
شمس النهار
ردحذفاشكرك على سؤالك يا حبيبتى ربنا ميحرمنيش منك انا موجوده بس عروسه بقى وبتدلع عليكوا شويه ادعولى،ان شاء الله راجعالكوا بمواضيع حلوه يارب تعجبكوا
صريح جدا و خطاب مؤثر للغايه
ردحذفو فعلا دور المرأه لا يقل عن دور الرجل في شئ بس لازم التغيير يكون نابع من جوا الأنسان العربي مش من مجرد خطاب
شكرا يا بسنت على المقال الرائع ده :)
بسنت ازيك يا بيسو عاملة ايه فينك
ردحذفانتى بتقولى لشمس النهار عروسة عروسة ايه انتى عملتيها واتجوزتى من ورانا واللا ايه
ادلعى براحتك مستنيينك طبعا سلام يا بيسو
هيثم الكاشف
ردحذفاشكرك على مرورك،و فعلا لازم نكون مقتنعين باللى بيتقال عشان ننفذ صح
تقبل تحياتى
مامه مازن
ردحذفمعقول يا قمر هاتجوز من غير ماقول ده لازم كلكم تنورونى،انا كان قصدى بس انى مشغوله فى الجهاز بقى انتى عارفه ادعولى كلكم ،و البوست جاى فى السريع ان شاء الله
الكلام سهل وكتير .. بس ايه بيجرى بعده؟؟
ردحذففى الهوا اوام يطير .. ويبقي كله زى بعضه
مفيش اسهل من الكلام
المهم الفعل
ربنا معاكى يا بسنت دا الجهاز ده مواله موال
ردحذفربنا يتمم لكى بخير ونفرح بيكى يا عسولة ربنا ينعم عليكى بالسعادة والراحة مع شريك حياتك ان شاء الله
مواااااه
بالظبط
ردحذفبيقول
بيقول بس:))
احمد صلاح
ردحذفنورت المدونه و ربنا يكرم ان شاء الله بالفعل قريب و ادينا مستنيين الفرج
مامه مازن
ردحذفربنا يكرمك يارب و ميرسى على الدعوات الحلوه دى كترى منها وحياتك الايام دى محتجاهلها موووت
blue wave
ردحذفليه بس التشاؤم ده ،مش يمكن يحصل تغيير ،عموما ادينا مستنيين
اشكرك لمرورك الكريم و يارب متكونش اخر مره
اى كلام فاضى معقول هههههههه
ردحذف