لو سألت حد تعرف القهر النفسى؟عمرك حسيت بيه؟ هايقولى قهر ايه ربنا مايجبش قهر ماحنا عايشين كويس و محدش يقدر يقهرنا
انما الحقيقه ان كلنا اتعرضنا للقهر النفسى رجاله وستات و دول كمان
القهر النفسى اشد كتير اوى من القهر الجسدى و العنف بأنواعه
اصلك لو اتعذبت او اتألمت ممكن تستمد منه القوه عشان تدافع و تحارب عن نفسك
انما لو روحك اصيبت فى مقتل و كبلتها القيود و الاغلال يبقى ازى الحال؟
قوتك الداخليه هاتختفى شيئا فشيئا
مش هاتقدرى تعيشى وهاتفقدى ابسط لذه فى الحياه و هى الشعور بيها
الكبت و قمع الرغبات و الاستهانه بقدراتك نوع من انواع القهر
ان يتم استغلال عواطفك و مشاعرك لتقيدك و ترغمك على الخضوع
وان يظل جلادك يسمم افكارك و يقنعك انك لا تستطيعى النجاح و انك لا تصلحى
و انك لست اهلا لها و ان حياتك بلا فائده
نوع من انواع القهر
ان يستهزىء بك الطرف الأخر و بكل ما له قيمه فى حياتك
ان يحرمك من تحقيق احلامك و طموحاتك و يعتبرها درب من الجنون و السفه
نوع من انواع القهر
مسلسل القهر ليس له الا طريق واحد
الأكتئاب و تبلد المشاعر
الا اذا........
تمردى....
ايوه تمردى
لكن مش التمرد بمعناه السلبى
اقصد التمرد على الواقع
التمرد على الضغط النفسى والعصبى
اكسرى القيود
ثورى و جربى ان تقولى ولو لمره لا
لا... محدش هايستهين بيا بعد اليوم
لا... انا استحق ان احيا و ان انجح
لا...محدش هايستغل عواطفى و مشاعرى كوسيله للضغط
لا...لن اكون مثل الدميه فى مسرح الحياه تحركنى الخيوط
سأقطع كل الخيوط و التقط زمام حياتى
لا...زى ما عليا واجبات انا ليا حقوق و بطالب بيها و ابسطها حقى فى حياه سعيده
اكسرى القيود و حطمى الحواجز ..لا تستسلمى
اقتلى خوفك وتحررى
ابحثى بداخلك عما يسعدك ،عما تتقنيه
ازيحى الغبار عن احلامك و طموحاتك وحققيها
ارضيتى كثير من الناس و قد جاء الوقت بأن تطلبى لنفسك و ان ترضيها كما نسيتيها
دندنى ابيات ام كلثوم
اعطنى حريتى اطلق يداى
انى اعطيت ما استبقيت شيئ
اه من قيدك ادمى معصمى
لم ابقيه وما ابقى علي
و اخيرا ارفعى رأسك عاليا و تحررى.....
بسنت صلاح الدين
ردحذفكيف حالك يانصيرة النساء ؟
اتمنى تكونى بخير .
فعلاً القهر النفسي شيئ سيئ جداً ويحطم النفسيات ويتسبب للطرف المقهور بنوع من انعدام الاحساس بالذات وضعف الصورة الذاتية والاحباط والشعور بالعجز و.......
وانا اعتقد ان الانسان الذي يمارس هذا القهر هو في النهايه انسان مريض نفسياً ويعاني من اضطرابات في شخصيته حيث يستمد قوته وشعوره بأهميتة من قهر الاخرين وتهميش شخصيتهم .
موضوعك جميل وبالرغم من انه موجه للنساء وخاصة المقهورين منهم وبالرغم من اننى رجل الا انني قبل كل شيئ انسان وانسان مسلم ايضاً واكرة القهر الانساني وكل ما يحطم الانسان .
ولذلك فأنا معكى فى ان كل انسان من حقه الحريه ما دامت فى الاطار الشرعي والمناسب دون ايذاء الاخرين او اغضاب الله سبحانه وتعالى .
تقبلي مروري وتحياتي يانصيرة النساء .
محمـد
طريق النجاح
محمد البنا
ردحذفانا بخير والحمد لله،اشكرك على كلماتك الطيبه و مرورك الكريم ولقب اتشرف بيه ،احييك على نزاهتك و ضميرك الحق الذى يملى عليك ان تناصر المظلوم،موضوعى و ان كان موجه للنساء خاصه و لكنه فى المجمل لكل مقهور رجل كان او امرأه او حتى دوله من دولنا الشقيقه،و فى شتى نواحى الحياه فى العمل او فى الحياه الاجتماعيه او حتى العاطفيه،لنحطم قيودنا و نرتقى بأنفسنا
تقبل تحياتى
بيسو بسنت معلش اتاخرت عليكى
ردحذفتسلمى اختى
مقال أكثر من رائع بجد..
ردحذفكلماتي ستقف عاجزة عن التعبير، وتبقى أفكاري سطحية بلا قيمة جوار تلك النجوم التي نثرتيها يا عزيزتي...
خالص تقديري..
مامه مازن
ردحذفانتى تنورينى فى اى وقت
ميسره
ردحذفاشكرك من كل قلبى على كلماتك الرقيقه الرائعه،و اتمنى ان اكون استحقها فعلا،و يشرفنى ان يقرأ افكارى شخصيه موهوبه مثلك
خالص تقديرى
موضوع مميز جدا والميزة فيها انه بيلمس جوانب حياتنا انتى اتكلمتى عن المراة فيه أكتر وانا معاكى فى الحاجة دى انه حرام نقهر ونقيد واحنا نفسنا مستمتعين وبتكلم على الرجالة طبعا واحد من الناس كان بيقولى ازاى تخلى مراتك تشتغل(تفكير سلبى طبعا)
ردحذفقلتله وازاى اموتها بين اربع حيطان وكمان القهر النفيى والتغلب عليه لازم يكون بين كل الناس لازم يكون التمر طبيعة فينا نكره الروتين ونكره ان حاجة تقيدنا وتقيد حريتنا لازم يكون قرارنا من جوانا مش بتأثير افكار الناس لو فعلا كلنا بنعمل كل حاجة نحبها ولدينا الحرية الكافة ننتج ونتكلم
هيبقى عندنا الكتييييييييير اوى نفتخر بيه
تقبلى احترامى ودايما فى تميز
أيوه طبعا القهر النفسى من أشد أنواع المعاناه اللى من الممكن أن يتعرض لها الاٍنسان خاصة لو كانت من أقرب الناس له ..
ردحذفلكن مش من المفروض أصلا أن يسمح الشخص للآخرين بالتعدى على اٍنسانيته و شخصيته و حريه و عليه أن يحافظ على ده ما وسعه اٍلى ذلك سبيلا ..
تقبلى تحياتى و تقديرى و شكرا على البوست الجميل ..
manoo
ردحذفاشكرك على متابعتك،الحقيقه مش المقهور بس اللى بيعانى لكن كمان المحيطين بيه،لأنه ببساطه مش هايقدر يسعدهم و هو نفسه لا يعرف للسعاده طعما،يعنى ازاى نتوقع من المرأه مثلا ان نقيدها و نكبت حريتها و نضغط عليها وينتظر الزوج فى نهايه اليوم ان يعود للمنزل لتلقاه بأبتسامه و روح مرحه لتخفف عنه عناء اليوم ،شىء غير منطقى بالمره،الارتياح النفسى زى ماذكرت هو السبيل الوحيد لحياه مثمره
تقبل تحياتى
استاذ عمرو
ردحذفاشكرك لمتابعتك و رأيك اللى بقدره و بنتظره لكى يفتح لى افاق اخرى للموضوع،كلامك نبهنى الى ان فعلا مينفعش انى اربط حبل حول رقبتى و اعطي طرفه لأى شخص عشان يخنقنى بيه
تقبل خالص تحياتى
أولا مقاله رائعه و طبعا كلنا مع حرية المرأه و اللي بيقول عكس هذا الكلام يبقى انسان رجعي لا يستحق حريته مادام يكبل هو حرية الاخرين
ردحذفثانيا : للأسف يا بسنت نحن ننادي بهذه الحريه و نيجي في الاخر نلاقي ان بعضا من الناس تهاجمنا و تنادي بتعليقنا و شنقنا في ميدان عام بحجة استيراد الأفكار الأجنبيه الكافره بالنسبه لهم و هذا مايحزنني و يعرقل كلامنا من الوصول الى الناس!
ثالثا : و هو ده بجد بجد اللي بينقطني .. ان احنا بنتكلم عن حرية المراه و ان ليها حقوق و عليها واجبات و نيجي نلاقيهم في الاخر مش بيطبقوا الكلام ده و يقولوا لأ مهما كان ده جوزي أو انها ان خالفت المجتمع و طالبت بحقوقها هايقولوا عليها خارجه عن التقاليد و أكثرية الناس هايحتقروها و أكثريتهم هايقولوا لأ خلينا في اللي احنا فيه !!
و طبعا القهر النفسي أقوى من أي مرض نفسي اخر و أعظم من الأمراض الجسديه و لازم الشخص هو اللي يتخلص من هذا القهر بارادته مش بارادة غيره
الانسان لما يقوم بأي اختيتر لازم يقوم به و هو دارسه وواعي به
ردحذفاما انه يجلب ناس لحياته و يدخلهم فيها حتى يمارسوا عليه القهر فهذا أنا شخصيا لا أفهمه
أنا أرى انه أي انسان عنده عقل وبعافية و صحة فما لازم يقبل او يستسلم لممارسات أي شخص تاني أي كانت صفته
ما معنى انه أدخل انسان لحياتي حتى يطلع علي احباطاته و مشاكله النفسية وعقده؟
هيثم الكاشف احييك على نزاهتك و قدرتك على قول الحق و ان خالف طبيعه مجتمعاتنا،هارد على النقطه الثانيه:فعلا انا قابلت كتير وجهات نظر بتطلق على المساندين لحريه المرأه بالكفر و الفجور و الفسوق الى اخره من قاموس التكفير المعتاد بدون حتى انهم يقرأوا الموضوع و ده دليل على انها محاوله للأعتراض ليس الا و جهل بجوانب المشكله،بدليل ان لو اى حد منهم تعمق فى ملف حريات المرأه فى مجتمعنا الشرقى هايتضح ليه انه لا ينادى الا بما شرعه الله للمرأه من الاساس من احترام و علو قدرها،و مش كل حد بينادى بحريه المرأه يبقى هدفه انها تلبس عريان و تخلع حجابهاو تتخلى عن دينها،احنا بنطالب بالأحترام الذى كفله الله لها فى قرأنه الكريم و عشان كده بحاول يكون فى كل موضوع ليا جزء من القرأن الكريم و الحديث الشريف للرجوع اليه لكى اقطع على مثل هولاء الطريق و زى مابيقولوا "اجيب من الاخر"،اما النقطه الثالثه: احب اقولك اننا مهمتنا الالمام بجوانب المشكله و ازاحه الستار عن الحقائق و حث الناس على معرفه حقوقهم وواجبتهم و اهم من كده القدره على التغيير،يعنى احنا لما بنتكلم عن موضوع يخص المرأه هاتلاقى فى كتير سيدات مش قادرين يقتنعوا لقوه ما غرس فيهم من قيم مغلوطه، انا مهمتى انتهت عند توصيل الحقيقه ليهم و تصحيح المعلومات المغلوطه دى، انها تعمل بيها او متعملش دى حريتهاالشخصيه،اما النصف الثانى اللى مش قادر يواجه المجتمع و يهاب الهجوم المميت من مجتمعاتنا التى تكره التغيير و التقدم متخذين من المثل القائل"اللى نعرفه احسن من اللى منعرفوش"شعار ليهم،دول اللى يستحقوا نقف بجوارهم و نقولهم انتوا مش لوحدكوا احنا معاكوا حتى تصل الحقوق الكامله لأصحابها
ردحذفاشكرك و يشرفنى ان يتابعنى رجل من القله المتفهمه فى بلادنا و ماقدرش غير انى اقول كثر الله من امثالك
jannah
ردحذفحبيبتى اشكرك على مرورك و يارب تنورينى علطول،انا معاكى طبعا فى كل كلمه،الغلطه مش غلطه اللى بيظلمنا، احنا اللى بنديله الحق ده و بنلغى كل الحدود كى يتخطاها بكل حريه ، ومهما كانت درجه قرابته ده مش يسمحله انه يستغل عواطفى و يسخرها حسب رغباته
تقبلى تحياتى و دمتى بخير
بجد البوست جميل
ردحذفاشد انواع القهر ان تقهري علي قرار انت مش عايزاه
لكن ماعندكيش بديل عشان تحافظي علي المتبقي منك وكمان عشان تحافظي علي المشاعر اللي جواكي لحسن تتغير
اشد انواع القهر انك تحبي حد ويقهرك علي اتخاذ قرار البعد وانت لسه بتحبيه
اشد انواع القهر ان تعيشي بنص انسان لمجرد انك معطائه وبتحبي بصدق ومافيش اللي يقدر ده
اشد انواع القهر ان تفرض عليكي الوحده النفسيه وانت محاطه بكل انواع البشر
اشد انواع القهر ان يدهسك اقرب الناس اليكي
هناك انواع كتير يابسنت للقهر
اي قرار الانسان بياخده عن غير رضا بس مابيكنش في بديل عنه يعتبر قهر
شمس النهار
ردحذفكالعاده طلتك ليها بريق خاص،و اشكرك من كل قلبى على الاضافه الرقيقه ثريه المعانى
تقبلى حبى و اعتزازى
كلامك فى محله جدا يا بسنت و عرضتيه بأسلوبك الجميل المميز
ردحذففى حاجات فعلا كنت هاذكرها و لكنها اتقالت بالفعل فى التعليقات السابقة و سعيدة إن تم توضيحها
خصوصا
= إن القهر أصبح يمارس على الرجل و المرأة كلاهما ، و لكن على المرأة بشكل أكبر - و ده حقيقى فعلا-
=إن الإنسان لازم يكون عنده من الإرادة إنه ما يديش لحد فرصة إنه يقهره، فقبل ما يلوم على القاهر لازم يتعلم إزاى هوّ ما يبقاش مقهور
=إن الحرية الصحيحة تمشى مع مفهوم المسؤلية خطوة بخطوة، و الحرية الحقيقة مش معناها الانحلال و الإفساد
ربنا يكرمك يا بسنت على موضوعك الجميل، و تصدقى الموضوع ده كنت بفكر فيه بقالى كام يوم، و افتكرت دعاء الرسول صلى الله عليه و سلم
"اللهم إن أعوذ بك من الهم و الحزن، و أعوذ بك من العجز و الكسل، و أعوذ بك من الجبن و البخل، و أعوذ بك من غلبة الدين و قهر الرجال"
و تذكرت إنه الرسول صلى الله عليه و سلم كان بيتعوذ من قهر الرجال، و فكرت إنه فى القرأن و السنة، هنجد إن فيه تنبيه من كيد النساء و يقابله التعوذ من قهر الرجال، و النقطة دى ليها دلالات إجتماعية و نفسية كثيييييرة جدا على الفرق ما بين الرجل و المرأة
دمتى بكل خير و سعادة،
و ربنا مايجبش قهر :) :) :)
تحياتى ليكى
د/نهى
ردحذفحبيبه قلبى يارب منورانى علطول،واشكرك على تذكيرنا بالحديث الجميل الذى يدعم موضوعنا
اتمنالك حياه سعيده خاليه من القهر
قال سحتوت كلما اكلت السحت هدأت نفسى وارتحــــت
ردحذفقلت له انه هدوء مؤقت بل قل ولعت جسمى وسحــــت
فالحرام انتقام من نفسك وخراب لبيتك هكذا قلت وبحت
فلا تخدعك الدنيا فانها دنيه فدعها عنك وقل استرحــــت
ولا تحمل نفسك ذنوب وكروب بما نهبت وبما استبحت
فالناهب منهوب ذات يوم وتبقى الذنوب ذنوب ومقــــت
والمستبيح مستباح ولا ترتاح حتى تسدد ما قد سرقتــــت
فسارع وسدد الحقوق لاصحابها فلم يعد هناك وقـــــــت
وقل للحق والعدل والانسانية نفسى هفت واشتقـــــــــت
===============
ناجح يوسف فهمى
على بلاطه
ردحذفكلمات جميله اشكرك على مرورك ،و ربنا يجعلنا جميعا من اهل العدل و الحق
السلام عليكم
ردحذفالمقال جميل
رغم انى لدى بعض التحفضات
انا عندى مقال عن سيكولوجة المرأة
اتمنى انك تلقى نظرة عليه
تحيتى
ايوة يا بسنت التمرد هو احسن حل للشعور بالقهر والظلم
ردحذفمش كويس ان الواحدة تنطوى على نفسها وهى قادرة ترفع الظلم عن نفسها
تسلمى
حبيبتى نونا
ردحذفيارب منورانى دايما يا قمر،التمرد الايجابى لقهر الظلم مطلوب فى شتى نواحى الحياه
تقبلى تحياتى و دمتى بألف خير
رحيق
ردحذفاشكرك على مرورك،وانا ارحب بكل التحفظات رغم انك مذكرتهاش ،اوعدك ان شاء الله انى القى نظره على مقالك و خصوصا انه ليه علاقه بمدونتى، و لنا عوده عشان نتناقش فيه ان شاء الله
تقبل تحياتى