احب اشكر اولا نونا حبيبتى صاحبه مدونه بلاش فضايح و مامه مازن الرقيقه صاحبه مدونه حياه بكل مافيها
على تمرير التاج الجميل ده
اسمك ؟
بسنت صلاح الدين
المشهور بيه وسط اصحابك؟
بوسى و ساعات كتير اوى توتا نظرا لأن انا كل الناس عندى بقولها توتا ولاد بنات كله توتا
سنك ؟
22
اسم مدونتك ؟
يا نساء العالم اتحدن و طبعا كنت حاسه ان الرجاله هاتعلن على المدونه الحرب بس الحمد لله
عدت على خير و بصراحه متابعنى عدد معقول من الرجال المحترمين اصحاب العقول المتفتحه
مجال دراستك ؟
ليسانس من كليه الاثار جامعه القاهره
فكرت فى الماجستير بس ملقيتش فرصه و لكنه حلم هيفضل فى بالى و ان شاء الله هعمله فى يوم
الصورة الرمزية لمدونتك بتعبر عن ايه ؟
عندى صوره صغيره لفتاه تحمل صولجان وتلبس تاج
و هى المرأه الأمبراطوره او الحاكمه لكن بطمنكوا معنديش اى نيه فى للأستيلاء على العرش
هل فكرت فى إغلاق المدونة ؟ والسبب ؟
لا خالص ،عشان شايفه انى بعرض رأى كويس و محترم
ايه رد فعلك لو حد قل أدبه عليك في التعليق ؟
يارب متحصلش بس وارد يعنى انا شاكه ان جمعيه يارجال العالم اتحدوا متأمرين ضدى
اكيد هارد بأدب و احاول افهم وجهه نظره
أسوأ مدونة ؟
الحمد لله لسه ماشوفتش بس انا فى رأيى ان اى مدونه يحترم رأى صاحبها طالما كان بعيد عن التجريح و الاساءه
هيحصل ايه للإيميل بتاعك بعد ما تموت ؟
مش عارفه البركه فى الورثه بقى
أديت الباس وورد لحد قبل كده ... ؟
اه لخطيبى يعنى ماهو اخد باسوورد قلبى مش كتير عليه باسوورد المدونه
السفر بالنسبة لك ؟
اكبر متعه فى حياتى بحب اروح اماكن جديده انا بطبعى مش روتينيه فبحب التغيير
المود بتاعك ؟
حساسه الى ابعد الحدود و رومانسيه لدرجه العبط فى كثير من الاحيان
لو حد مش واخده عليه تلاقينى هاديه اوى لكن لو حد اعرفه باخد راحتى بقى و مش ببطل كلام وهزار
بتعمل ايه فى وقت فراغك ؟
احب اقرأ و اكتب و النت كمان بقى مهم اوى عندى
و بحب اسمع موسيقى و اتفرج على الافلام الاجنبى
الأكلة المفضلة ؟
بحب البشاميل و محشى الكوسه و البيتزا و اى حاجه بانيه
بحب البهارات اوى على الاكل و السلطه بموت فيها
عموما بحب اى حاجه مادام بعيده عن البصل
الصفات التى ورثتها من والدك ؟
بابا حبيبى ربنا يخليهولى يارب اكون ورثت منه حنيته و طيبته ومثاليته و انه بيقدر ظروف الناس اوى
و قناعته وتواضعه و تضحيته
الصفات التى ورثتها عن والدتك ؟
ماما صاحبتى مقدرش اعيش من غيرها،يارب اكون ورثت منها تحملها المسئوليه و خفه دمها و روحها المرحه
و انها بتعرف تتصرف فى اى حاجه وفى كل حاجه،رومانسيتها الرائعه و حنيتها و طيبتها اللى ملهاش حدود
مساعدتها للناس فى اى موقف و بتقف وقفه جدعه اوى مع اى حد فى الافراح والاحزان
أكتر ست حاجات بتكرهها ؟
الظلم
الظلم
الحرب
الكذب
القسوه
الفراق
العنصريه
أكتر ست حاجات بتحبها ؟
خطيبى
الحب
العدل
التضحيه
الحنان
السلام
شخصيتك نوعها ايه ؟
رومانسيه اوى و حساسه جدا،متفاهمه الى ابعد الحدود،مش بحب المشاكل
طموحه اوى و عندى احلام كتير، برضى الاخرين على حساب نفسى كتير اوى لدرجه انى بنسى انا نفسى فى ايه
لماذا دخلت عالم التدوين ؟
عشان بحب اكتب اوى من صغرى شعر وقصص، يعنى طول عمرى الكتابه عندى ليها الاولويه فى يومى
حتى لو كانت عباره عن مذكرات شخصيه
أجمل كلمة قيلت فى وصف مدونتك ؟
كل التعليقات بصراحه اسعدتنى و خصوصا انها بتناقش قضايا مهمه
أهمية التعليق بالنسبه لك ؟
اهم حاجه فى المدونه لأنه بيقيم كتابتى من ناحيه و كمان بيفتح باب للمناقشه وتقريب وجهات النظر من ناحيه تانيه
أحسن بوست كتبته وليه ؟ ضع اللينك
لا بحبهم كلهم لأنهم عبروا عن مشاكل حقيقيه موجوده فى المجتمع
أفضل بوست قرأته ؟وأفضل مدونة؟
بصراحه انا يشرفنى اوى ان كل البوستات و المدونات اللى قريتها هايله و اثبتت ان الناس بالكتابه ممكن تنتج كتير اوى
المدونات اللى عندى فى القائمه هم افضل مدونات فى نظرى
حبشتكنات فلسفيه
حياه بكل مافيها
بلاش فضايح
شمس النهار
انترنتاوى
فتافيت ربع قرن
كلام امرأه
رغى امراه غير مطحونه
فى دقيقتين
ندا.ندا
الوطن ده وطنى
روح قلب ماما
زوبعه
البت المشمشيه حلوه بس شقيه
الضاحكون
يارب اكون منسيتش حد....
الإنترنت بالنسبة لك ايه ؟
مهم اوى معتقدش انى اقدر استغنى عنه
تمرر التاج لمين ؟
امرره لكل المدونات اللى ذكرتها والناس اللى متابعانى يالا بجد عاوزه اتعرف عليكوا اكتر
يارب اكون كنت ضيفه خفيفه عليكوا .......
بيسو بسنت مبروك عليكى وعلينا التاج الجميل ده
ردحذفوفعلا طلعتى زى ما توقعتك تمام طيبة وروحك حلوة
وطبعا عرفتك اكتر
ربنا يوفقك مع خطيبك ونفرح بيكى عن قريب
وربنا يحقق لكى كل طموحاتك ويفرحنا بيكى
سلام بوسى
ربنا يخليكى ياحبيبتى على زوقك،و امين يارب يخليلى حبيبى و تفرحوا بيا كده وانا عروسه فى الكوشه، قولوا امين..........
ردحذفأزال أحد مشرفي المدونة هذا التعليق.
ردحذفتشرفنا يا بسنت :)
ردحذفيا ريت تسلمي على خطيبك وتبلغيه إن جمعية يا رجال العالم اتحدوا بيطالبوا براس خطيبتك :))
ربنا يخليلك بابا وماما وكل اللي بتحبيهم ويحبوكي :)
تحياتي :))
ميسره نورتنى
ردحذفبراسى مره واحده، طيب ياخدوا دراع ياخدوا رجل ويسيبوله بقيه الجثه،ربنا يخليك ويالا ورينى الهمه عاوزاك تعمل تاج زى ده
التاج جميل واجاباتك اجمل ياقمر
ردحذفحاسوباتيه
ردحذفشكرا على مرورك و متحرميناش من طلتك
تحياتى
طبعا أشكرك جدا على أنك هرفتينا جوانب مهمه فى شخصيتك وضحت لنا الصوره عنك أكتر من الأول .. و أشكرك على اٍختيار مدونتى المتواضعه ضمن أفضل المدونات اللى بتعجبك ..
ردحذفو حيث بقى أنك خريجة آثار فأنتظرى بقى بوست حأكتبه عن آثار الفراعنه اللى بتسبح فوقها قرى الصعيد و تجارة الأهالى فيها ..
بس معلش بأختلف معاكى فى موضوع البانيه عدوى اللدود :)
تمنياتى لك بالسعاده مع خطيبك و بجد و الله الواحد بيفرح لما بيلاقى الحب و الوفاء بين أتنين .. ربنا يوفقكم ..
تقبلى خالص تحياتى و تقديرى ..
ايه الجمال دة
ردحذفاجاباتك كلها عسل اوى
طيب الورثة هيقسموا الايميل والمدونة ازاى بئا وخصوصا لو فى اولاد والبنات انت كدة هتعملى اشكال جامد بينهم
وبعدين ماله البصل وحش البصل؟؟؟؟؟
دة صيدلية متنقلة حاولى انتى بس هههههههههههههه
استاذ عمرو
ردحذفبشكرك جدا على مرورك و انا مستنيه كل البوستات الرائعه بتاعتك،وميرسى على الدعوه اللى من القلب دى
لك خالص تحياتى
نونا حبيبه قلبى
ردحذفاكيد البنات هياخدوا المدونه والولاد يصرفوا نفسهم بالأيميل بقى،اما بقى عن البصل انا عارفه ان فوايده رائعه بس مش عارفه مالى، انا من يوم ماتولدت مأكلتش بصل،مبقدرش اكله ولا اشوف حد بياكله و خصوصا لو مطبوخ تبقى كارثه،يالا ربنا يشفينى
واحشانى مووووووت يا جميله
تحياتى
مبروك التاج
ردحذفوجميلة اجاباتك وصدقها
وربنا يفرحك بخطيبك ونشوفك عروسة ان شاء الله
احياتى وتقبلى مرورى
همس الأحباب
ردحذفمنورانى ويارب دايما،و شكرا لمرورك
امييييييييييييييييين يارب يسمع منك
مبروك عليكي التاج :)
ردحذفأجمل صورة تاج شفتها و اجاباتك أكثر من رائعه ^^
و ألف مبروك و ربنا يوفقك مع خطيبك :)
هيثم الكاشف
ردحذفالله يبارك فيك،ميرسى على زوقك و امين يارب دعاك يستجاب
مشكور على مرورك
معلش يا بسنت اتاخرت عليكى فى تهنئتك بالتاج
ردحذفالف مبروك يا جميلة وعقبال تاج الفرح انشاء الله
دمتى بالف خير
ندا ندا
جميله اجاباتك
ردحذفالحقيقه عرفتك بيها اكتر
انا كمان بحب البانيه والبشامل
بس الحقيقه البانيه ده طلع غلط فامقلله منه خالص
وبشكرك جدا انا كمان بحب مدونتك
شمس النهار
ردحذفيارب دايما منورانى ،ليه بس غلط ده انا بموت فيه،املى فى معدتنا المصريه اللى تهضم الزلط كبييييييييييييييييييير
تحياتى
ندا
ردحذفولا يهمك يا قمر، ربنا يخليكى،وتفضلى منورانى علطول
سلام الله عليكم ورحمته وبركاته
ردحذفوالله فكره جميلة وحوار ممتع بصراحة
الاسئلة والاجوبة ممتازة
اسئل الله ان يبارك فيكي انت وخطيبك
بارك الله لكما وبارك عليكما وجمع بينكما في خير
وسلاااااااااام م م م م م
ابو بدر الدين
ردحذفو عليكم السلام ورحمه الله وبركاته،اللهم تقبل منك يارب،و يالا انا عاوزاك تعمل لنا واحد عاوزين نتعرف عليك
تحياتى
يفتح باب بيت المدونين ذراعيه لكل الموهبين في :
ردحذف1/ القصة القصيرة
2/ الشعر بشتى أنواعه
3/ الرواية “رواية سنوية سنقوم بنشرها في الجريدة”
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
أرجوا إرسال مواضيعكم لأختيار الأفضل لنشره العدد القادم
أرجوا ارفاق الاعمال في ملف ورود
لمزيد من المعلومات بادروا بالاشتراك في الجروب الرسمي للجريدة
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039
السلام عليكم
ردحذفأول زيارة لى لمدونتك الجميلة، كل تاج و انت طيبة، و فرصة حلوة إنى أتعرف على شخصيتك، إجاباتك جميلة ما شاء الله، بالتوفيق لكِ دائما
تحياتى ليكى
دمتى بألف خير
تأثير الفراشه
ردحذفوعليكم السلام ورحمه الله وبركاته
اول زياره نورتنى وياريت متكونش اخر زياره يا قمر
تحياتى و احترامى
اجابات مميزة وراقية برقي صاحبتها
ردحذفلك روح مميزة
احترامي سيدتي
حلم
ردحذفاشكرك على زوقك،و ياريت تتابعنى علطول
خالص تحياتى
لفت نظري اسم تدوينتك من عند مامة مازن
ردحذفو من الجميل ان نعتز كلنا بصلاح الدين
موفقة وعشان الماجستير خليكي مصممة عليه
حنتحد بقا ونجيب حقوقنا المهضومة
ردحذففكرة برضو
جميل ما تكتبين
منمنمات نادره
ردحذفاو اسمحيلى اقولك اسماء ،نورتينى و يارب متكونش اخر زياره،طبعا بنعتز بصلاح الدين وبحمد ربنا ان والدى على اسمه،ان شاء الله ادعولى ربنا يكرمنى وابدأ قريب فى الماجستير،ميرسى اوى على زوقك ويارب مايهضملنا حق ابدا يا قمر
تحياتى
انااسمى بسنت وهذا الموقع ممتاز
ردحذف