و زى ماقلت ما للمرأه انا جايه النهارده عشان اقول ما عليها
و خاصه تجاه زوجها
هاتكلم عن حقوق الزوج
اول حق ..............
الطاعه
زى ماكنتى بتطيعى والدك ووالدتك وانتى فى بيت اهلك
لازم تطيعى زوجك يمكن اكثر من طاعه الوالدين كمان الا فى ما حرم الله طبعا
بس عاوزين طاعه عن حب مش عن خوف
تطيعيه عشان بتحبيه و هو اغلى حاجه عندك
عشان هو حبيبك وزوجك و ابو اطفالك
و اخوكى و ابوكى و صديقك و سندك فى الحياه
اخضعى له ليس خضوع ذل بل خضوع عشق
بكده طعم الطاعه هايبقى احلى كتييير
ثانى حق................
احفظيه فى ماله
احفظيه فى ماله يا حواء مش تبعثرى كل ماله
على الكوافير ومحلات اللبس و حاجات زايده عن الحاجه
زوجك ائتمنك على ماله عشان تصرفى على البيت
حافظى على الامانه و انفقى منه بالمعروف
ثالث حق...............
احفظيه فى عرضه
صونى عرضه و شرفه فى وجوده و غيابه
لا تدنسى حرمته بإيدك
بيته امانه فى عنقك
لا يدخله فى غيابه من لا يرغبه
حافظى على نفسك و على ثقته فيكى
من النظرات المسروقه اليكى
حتى النظره تجرحه فى غيابه
رابع حق.............
احفظيه فى اولاده
دى اعظم هديه هو اهدهالك
حافظى عليهم واهتمى بتربيتهم تربيه صالحه
تتباهوا بها فيما بعد
متتكلميش عنه بسوء امامهم
شجعيهم على احترامه و على حبه
اذكرى محاسنه امامهم
حسسيهم بحبك لوالدهم
عشان يعيشوا فى جو اسرى رقيق
خامس حق..........
كونى له زوجه وعشيقه و رفيقه و ام
طيعيه واهتمى بملابسه و اكله عشان تبقى زوجه ناجحه
تجملى و تزينى و كونى اجمل النساء فى حضرته
اسمعيه اجمل كلمات العشق و عودى لسانك الا ينطق الا بعذب الحديث عشان تكونى عشيقه مبهجه
اسمعيه و قفى الى جواره وقت شدته وشاركيه اسعد لحظات نجاحه عشان تكونى خير رفيقه
لمسه حنيه و اهتمامك باحواله و ان تعذريه و تصبرى عليه يجعلك اعظم ام
كونى له خير النساء كما قال رسول الله فى حديثه الشريف
( التي تسره إذا نظر إليها وتطيعه إذا أمر ولا تخالفه فيما يكره في نفسها ولا في ماله )
بطاعته و رضاه عنك صحيح هاتدخلى الجنه
ولكن انا عاوزه اقول ان مش كل زوج هو اللى جنتك رهن رضاه
الزوج الصالح اللى بيتقى الله فيكى بس
كل واحده النهارده انتى مدعوه ان تعيشى ليله تراضى وتصافى
مع زوجك
استقبليه بإبتسامه و وجه بشوش
انسى كل اللى الزعل
افتكرى كلمه واحده بس تقوليهاله
بحبك.....عشان انت اغلى الناس عندى
كلامك كله صح
ردحذفربنا يبارك فيكي بجد
ياريت كل البنات زيك
جزاك الله خيرا
و متعك بحياه زوجيه سعيده
تقبلي مروري
مصطفى ابو زيد
ردحذفاللى قلته ده نقطه فى بحر من تعاليم الله عز وجل و وصاياه من اجل حياه افضل،لو كل واحد عمل اللى عليه على اكمل وجه كانت حياتنا اتغيرت للأجمل ،اشكرك على زوقك و على الدعوه الجميله
دمت بكل خير
بسم الله الرحمن الرحيم
ردحذفالسلام عليكم ورحمة الله وبركاته نصيرة النساء
تقبلي تحياتي على مواضيعك المتميزة .
وفعلاً موضوع الحقوق الزوجية من اهم المواضيع التى يجب ان نهتم بها اذا اردنا اصلاح المجتمع .
بوركتى على مجهودك .
تقبلي تحياتي ومع خالص تقديري .
محمد البنا
طريق النجاح
شوفى يا بيسو مادام كتبتى الكلام ده وحسيت وانا بقراه بصدق وانك مقتنعة من جواكى بكده
ردحذفيبقى هنيئا لخطيبك بزوجة المستقبل الجميلة
وكده يا اختى اقولك توكلى على الله عمر البنت اللى عارفة اللى عليها قبل اللى ليها ماتتعب فى حياتها
كده تمام وعقبال بنتى واشوفها عروسة جميلة وطيبة ومؤدبة زيك فى زمن اصبحت فيه كلمة بنت مؤدبة كلمة خرافية واسطورية
موااااه ليكى عزيزتى الغالية بسنت
محمد البنا
ردحذفاشكرك على مرورك ،وانا اؤكد على كلامك ان بدايه الحياه الزوجيه و كل واحد حاطط هدف قدامه انه يعطى الأخر حقوقه كامله ده هايؤدى لحياه سعيده ان شاء الله
نورتنى
مامه مازن
ردحذفكده تكسفينى يا قمر (وش مكسوف) ،يارب يا جميل تشوفى بنتك احلى عروسه طبعا هى يعنى هاتجيبه من بره،الحمد لله مامتها العقل والرقه كلها ،بس تعرفى ان ساعات فى رجاله او المجتمع عموما بيفهم الزوجه المطيعه و اللى بتحافظ على حقوق زوجها و بتتغاضى عن بعض المشاكل خاضعه ليه بقى و مفيش كرامه وانه بسهوله ممكن يجرحها، احلى بوسه على جبينك يا حبيبتى و نورتينى
لا يا بسنت فى فرق بين واحدة معندهاش كرامة وواحدة مطيعة
ردحذفالمطيعة بتزيد جمالها فى عين زوجها لانها مش بتعاند وخلاص ولما بتقول رايها فى شىء يخص البيت بيبقى همها المصلحة مش مين يمشى رايه
الطاعة للزوج واجبة وبينى وبينك كده لازم نستغلهم يا اختى دا ممكن يكونوا سبب لدخولنا الجنة اه والله حتى صبرنا عليهم وقت النرفزة والزهق كله بحسابه عند ربنا وبعدين تلاقى لما تستحملى ضيقه برضا ييجى يتاسف بس يعنى صحيح بيكابروا برضه ومبيقولوش اسف بس حقك عليا متزعليش ربنا يخليكى ليا بالدنيا
ربنا يخلى ازواج وزوجات المسلمين اجمعين ويصفى قلوبهم لبعض ويبعد عنهم عمل الشيطان يارب
ويجمع ويآلف بينهم يارب
اللهم استجب دعائى يارب
ماماه مازن
ردحذفهما بيكابروا بعقل انتى هاتقوليلى ههههههههه،يارب يا حبيبتى يهدى الازواج لبعض و يبعد عنهم الضغينه و يجمع بينهم على خير
الله ، ايه الكلام ده ، لا تمام حقيقي يعني الكلام زي الفل ، بس المشكله اعتقد ان زي ما فيه الصفات اللي المفروض تكون موجوده الزوجه برده فيه صفات المفروض تكون موجوده برده في زوج ، فين المشكله ؟؟
ردحذفالمشكله ان كل واحد بيسمع الكلام ده اياً كان ست او راجل يقولك اه و الله ما هو لو جوزي يعرف كده ده انا حبقى خدامه تحت رجله و الله ما حكشر ولا حتى ثانيه ، و هو يقولك ياااااه فينها تسمع كلامك ده بس ، و هو انا يعني بتعب علشان مين بس هى تفهم الكلام ده و حتكون الدنيا زي الفل و ميه ميه و حتشوفي كلام الحب و الورد اللي حياجلها كل شويه ....
في الاخر كل واحد بس مستني التاني يكون هو كده الاول و بعد كده انا ابقى كويس و زي الفل ، و مفيش حد بيبقى و الدنيا بتستمر زي ما هى و خصوصاً اللي متجوزين بقالهم فتره و الحياه بقت ماشيه برتم وحش و ملل و خناقات و غلاسه ...
لكن بصراحه كلامك تماما .
احييكي .
عبد من عباد الله
ردحذفنورتنى بزيارتك الكريمه و رأيك تمام طبعا كل واحد هايقرا الكلام ده هايقول الكلام صح بس انا مراتى او جوزى مش كده عشان اديله حقوقه وانا مش واخده حقى، عشان كده كان نفسى الناس تاخد بالها من نقطه مهمه طرحتها و هى ان اقصر الطريق عشان ناخد حقوقنا و اللى يرضينا هى اننا نعمل اللى علينا الاول و حقنا هايجيلنا لحد عندنا لما ندى ماعلينا اللى لينا هايتقدم لينا على طبق من ذهب
تقبل تحياتى و خالص تقديرى
بجد كلام مافيش بعده كلام
ردحذفربنا يحفظك و يحميكى
جزاك الله كل خير على كل حرف بتكتبيه فى المدونة
د/نهى
ردحذفربنا يخليكى يارب و يباركلك،نورتينى يا جميل
يا ريت ناس كتير تتطبق الكلام ده يا بسنت
ردحذفياااااااااااه فين الزوجة دى ياناس احنا منتظرين اهوو اما نشوف اللى هيجيبلنا بس احترم فيكى اهتمامك بالموضوع لانه فعلا مهم جدا جدا وكمان فى حاجات لازم تتقال للرجالة لانهم بيافوروا كتير اوى يمكن ابقى انزل بوست عندى تقبلى تحياتى
ردحذفmicheal
ردحذففعلا لو كل واحد وواحده عملوا كده هايفتح لهم باب من السعاده الغائبه
منورنى
مانوو
ردحذفموجوده والله بس المهم اننا منستناش لما ناخد، احنا نبدأ و ندى الزوجه حقها و هى هاتديك عينيها، ياريت تعمل بوست تتناول فيه الموضوع من وجهه نظرك
دمت بخير
الله يزينك بعقلك و يجعل لك مخرجا اٍن شاء الله ..
ردحذفبارك الله فيكى و أسعد بك أحبابك و الله كلمتين أثلجوا صدرى عن جد ..
تقبلى تحياتى و تقديرى ..
استاذ عمرو
ردحذفامين يارب انا واياكم ،اشكرك على الدعوات الرقيقه و اتمنى انى افضل عند حسن ظنكوا بيا
دمت بخير
بسنت
ردحذفازيك
البوست ده قضيه لوحده ياااابسنت
انا جايه بس اسلم
وطبعا الرجاله هيدعوا لك ياستي
ربنا يهدي الجميع
وهتسيبي الرجاله كده مش هتقولي لهم حاجه خالص
الله ع العسل
ردحذفلما يكتب
شو بكون
؟؟؟؟؟؟؟؟؟؟؟
اكيد شيء اجمل من كدة
صح قلمك ومدادك
وانتي مدونة راقية ولايصدر منك الا الرقي
احترم قلمك ورسالتك
وماكان انسان ذو قيمة الا كانت لة رسالة او مباديء في الحياة
اتمنى لكي كل الخير
ادعوكي لزيارتي في مدونتي الغمورة الشيطان والمطر
لتزداد سطوعا
دمتي رائعة
شمس النهار
ردحذفربنا يخليكى ليا يا حبيبتى ربنا يسلم ايامك، ازاى بقى مش هقولهم حاجه و دى تيجى برضه....انا قلت اهو نفرحهم شويه،نورتينى يا حبيبتى ووحشتينا
حلم
ردحذفاشكرك على زوقك ورقه كلماتك و سعيده بأن يتابعنى مثلك ذو عقل راجح و شخصيه محترمه ،انا بالفعل متابعه مدونتك ولكن اكيد طبعا لازم ازور مدونه الشيطان والمطر وكلى ثقه انها مفعمه بالرقى والتألق
دمت بكل خير
نصائح طيبة
ردحذفومطلوبة جداً
جزاك الله خيراً
مسرور
ردحذفيارب ينتفع بيهاالجميع ان شاء الله
اشكرك على مرورك