كل سنه وانتوا طيبين جيت اقول كلمتين زى ماوعدتكوا
هاتكلم عن فتافيت صغنتوته رمضانيه
اول فتفوته و انا معتبراه انه اعلان و تعهد فى نفس الوقت
و بمناسبه انى فتحت التليفزيون لقيت
خير اللهم اجعله خير
فوق التلاتين مسلسل
فأنا قررت و الله المستعان
انى .....انى ......
انى مش هاتفرج على اى حاجه فى رمضان
و عندى سنه طويله بعد رمضان اتفرج على راحتى
و اشترى نفسى من ربنا لعل و عسى يكون نصيبى العتق من النار
تانى فتفوته حبيباتى نساء العالم
ودعى وقفه المطبخ لساعات ووفرى وقت ومجهود
و هانحضر ان شاء الله كل الاكل قبل رمضان
و نشيله فى التلاجه و نطلعه للطبخ يوم بيوم
يعنى باميه متقمعه ، ملوخيه متخرطه.......و الخ الخ الخ
تالت فتفوته لحبايبى الاطفال
السنه دى نشجع اولادنا على الصيام
زى مابنجيب فى رأس السنه الشجره و نزينها و بابا نويل.......
السنه دى هانعمل شجره رمضان
نجيب شجره و نزينها بالفوانيس الصغيره اللى على شكل ميداليات
ودى منتشره و هاتلاقيها فى كل مكان
و كمان نعمل جدول الصيام و نكتب اسامى الاطفال فى ورقه
و قصادها ايام الاسبوع و فترات الظهر و العصر و المغرب
و اللى يصوم لحد الظهر ليه هديه
و اللى يصوم لحد العصر هديه اكبر
و هكذا اللى يصوم للمغرب
دى طريقه جميله للتشجيع على الصيام
لأن الاطفال بيحبوا التنافس فى كل شىء
فنستغله فى شىء هادف يفهمهم دينهم
و الطريقه دى نستخدمها فى الصلاه و قراءه سور من القرأن
ان شاء الله تبقى نتيجه ناجحه و الاولاد يفرحوا و يستفادوا
رابع فتفوته خاصه بالعزومات
و اتيكيت العزومه اللى يتماشى مع رمضان
لازم يكون على السفره سلطه و شوربه دى مهمه جدا و خصوصا فى رمضان
و معاها كوب للعصير و كوب للمياه لكل ضيف
و نكون محضرين التمر على ترابيزه بجانب السفره
لأن طبعا فى ناس تحب تبدأ الفطور بتمر سنه عن نبينا
خلى بالك ان لازم يكون فى نوعين من السلطه على السفره
السلطه الخضرا و اى نوع تانى معاها
كمان لازم الاكل يكون متناسق
يعنى لو عزومه لحوم و طيور
مينفعش تقدمى سمك
لكن لو عزومه سى فود ممكن تقدمى طبق اضافى عباره عن لحوم
عشان لو فى ضيف مش بياكل الاسماك
و طبعا من المستحب ان تعرفى الاكلات المفضله لضيوفك
عشان تتجنبى المفاجأت
لحد هنا اقولكوا سلام و كل سنه وانتوا طيبين
كل عام وانتم بخير
ردحذفاولاًاحييك على قرارك
بعدم متابعة اي مسلسل في رمضان
ثانياً كل دي فتافيت
ثالثا انا مختلف معك
في موضوع تخريط الملوخية ووضعها في الثلاجة
لان الملوخية الناشفة تفي بالغرض (:
بسنت صلاح الدين
ردحذفكل عام وانتى بخير وربنا يبارك فيكي وينفع بيكي الاسلام والمسلمين .
تقبلي تحياتي
محمد البنا
طريق النجاح
كل عام وانتم بخير
ردحذفرمضان كريم
كل سنه و أنتى طيبه و ربنا يتقبل صيامنا و قيامنا و يجعله شهر خير و يمن و مسرات ..
ردحذفبارك الله فيكى و تقبلى تحياتى و تقديرى ..
مسرور
ردحذفوالله انا قلت فى ناس بتحب الملوخيه الخضرا دى طريقه تسهل عليهم وتوفر الوقت ههههههه،كل عام وانت بخير و رمضان كريم
محمد البنا
ردحذفربنا يتقبل منا و منكم صالح الاعمال ،رمضان كريم و كل عام و انت بخير
حلم
ردحذفكل عام و انت بخير و رمضان كريم
استاذ عمرو
ردحذفربنا يتقبل منا ان شاء الله و يعيننا على بره و حسن طاعته و يكتب لنا العتق و الرحمه ،كل عام وانت بخير و رمضان كريم عليك و على الاسره الكريمه
بوست لطيف وفتافيته جميله ومفيده
ردحذفكل سنه وانت طيبه وبخير وسعاده
شمس النهار
ردحذفكل سنه وانتى طيبه يا احلى شموسه
رمضان كريم
كل سنة وأنتي طيبة
ردحذفرمضان كريم
عن نفسي خفضت عدد المسلسلات اللي بتفرج عليها ل4
:)
تحياتي
micheal
ردحذفو انت طيب و بألف خير ،اشكرك على الزياره الحلوه دى،ربنا معاك انا جالى ارهاق من مجرد الفرجه على الاعلانات بتاعت المسلسلات
تقبل تحياتى و تقديرى
السلام عليكم
ردحذفكل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه
وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم
وارزقنا العفاف والرضا - والمحبة واهدينا يا عظيم
وأعنا علي القيام والصيام والصلاة والارتقاءالي جنة الفردوس
واجعلها لنا ميراث خير وسعادة
واجعلنا من عتقاءك في هذا الشهر يا معطي يا وهاب
وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله
كل سنة وانتي طيووبة يا بسنت
ردحذفورمضاان كريم عليكي
حلووة النصايح الي قولتيها ,,, كان في برنامج على التلزيون تناولها برده بس كان اتحكالي لا اكثر
شكرا لحرصك حبيبتي
ربنا يرزقك العتق من النار والقبول ياارب
رمضان كريييم
hasona
ردحذفامييييييين يارب ربنا يتقبل منك الدعوات الجميله دى و جعله فى ميزان حسناتك و جزاك الله به خيرا ان شاء الله، رمضان كريم و كل عام و انت بخير
am fopa'd
ردحذفو انتى طيبه يا حبيبتى كل سنه وانتى طيبه و رمضان كريم عليكى و على كل احبابك ان شاء الله ،و بأذن الله يرزقنا الله و اياكى و سائر المسلمين الرحمه و المغفره و العتق من النار
وانت طيبة يا قمر
ردحذفانا نفس الشي بتفرج شي ساعة محددة في اليوم وبقعد على النت ساعة قبل الظهر
المسلسلات ماراح تضيع راح يعرضوها عام كامل
الواحد لازم يستغل رمضان
اصحاب الفضائيات والممثلين والمذيعين والخ رمضان بالنسبة لهم الفترة اللي بيبيعو فيها بضاعتهم حالهم حال اصحاب المحلات اللي بتبيع حلويات رمضان
من الغباء انه الواحد يقعد قدام التيليفزيون طول النهار والليل مسلسل بعد مسلسل
jannah
ردحذفرمضان كريم ،ربنا يتقبل صلاتك و قيامك،والله اجمل تشبيه سمعته فعلا دول تجار بيعرضوا بضائعهم،و البضاعه موجوده كل شهر ،لكن الرحمه و المغفره و العتق شهر واحد بس
ربنا يباركلك
كل سنة وانت طيبة ورمضان كريم
ردحذفازيك وازي أخبارك أنا جيت أسأل مخصوص أهوه
ربنا معاكي يارب
سلام
كاتب مصرى
ردحذفو حضرتك طيب و رمضان كريم ربنا يتقبل منا ومنكم ان شاء الله ،انا الحمد لله كويسه و يارب تكون حضرتك بخير و اشكرك على الزياره الجميله دى
كل سنة وانتم طيبين ورمضان كريم
ردحذفوربنا يعتق رقابنا من النار
اتمني زيارة مدونتي
هعزف لنفسى
ردحذفرمضان كريم ،نورت المدونه و ان شاء الله نكون فى مدونتك قريب
قرار الاٍمتناع عن الفرجه على المسلسلات هو من أعظم القرارات اللى سمعت عنها مؤخرا فى دنيا المدونات !!
ردحذفبصراحه قعدت شويتين كده أتفرج على قيمة 20 25 مسلسل بالصدفه و حسيت دماغى بتلف و بأغيب عن دنيا الواقع و أبتدت حاله من البلاهه تحط عليا فأتخذت نفس قرارك بمقاطعة التليفزيون ككل بالعند بقى ..
كل سنه و أنتى طيبه و بعوده الشهر الكريم ..
تقبلى تحياتى و تقديرى ..
استاذ عمرو
ردحذفانا حسيت ان التليفزيون كأن اصابه مس من الجنون فى رمضان ،ده عاوز حد فاضى 48 ساعه فى ال 24 ،و تطلع من قصه تدخل التانيه ،والله انا تعبت و زهقت من الفرجه على الاعلانات بس قبل رمضان فقررت المقاطعه و كفى الله المؤمنين شر القتال ،احييك على قرارك و ان شاء الله اوقاتك كلها تبقى معموره بذكر الله و قرأنه فى شهره المبارك
كل سنه و حضرتك طيب
i admired alot by this blog also with the marvelous sound auto played with it
ردحذفkol sana w enti tayeba basant w ramadan kareem :)
popo
ردحذفthank you so much for passing by,happy that you liked my humble blog, and i hope that it won't be the last visit
ramdan kareem and may ALLAH bless you
kol sana wanty balf sa7a wsa3ada ya rab
ردحذفطوبه فضه و طوبه ذهب
ردحذفو انت طيبه يا قمر ايه الغيبه دى بجد مفتقداكوا
عيد سعيد
ردحذفوعمر مديد